Лінкі ўнівэрсальнага доступу

logo-print
Менскі гарадзкі суд не задаволіў скаргу жыхаркі Барысаўскага раёну Ірыны Панкавец, якая абскарджвала прысуд Маскоўскага раённага суду адносна падзей 19 сьнежня.

«Скаргу маю не задаволілі. Судзьдзя пастанавіў адмовіць, паколькі я 20 сьнежня нібыта падпісала згоду з прысудам і абавязалася яго не абскарджваць. Можа, я што і падпісвала пасьля некалькіх гадзін утрыманьня ў каменным „стакане“ ў судзе, каб толькі мяне выпусьцілі, але дакладна я гэтага ня памятаю. У любым выпадку буду абскарджваць той прысуд, і сёньняшняе рашэньне гарадзкога суду лічу зьдзекам з правасудзьдзя», — паведаміла «Свабодзе» Ірына Панкавец.

Паводле рашэньня Маскоўскага суду Менску жанчына адбыла 10 сутак адміністрацыйнага арышту за ўдзел у мітынгу на плошчы Незалежнасьці 19 сьнежня. У студзені Ірыну Панкавец прымусілі звольніцца і цяпер нікуды не бяруць на працу. Ірына Панкавец кажа, што мела права на мірны пратэст і будзе далей адстойваць свае канстытуцыйныя правы.
XS
SM
MD
LG