Лінкі ўнівэрсальнага доступу

У сераду 9 ліпеня а 13 гадзіне адбудзецца онлайн-канфэрэнцыя з намесьнікам старшыні Партыі БНФ Вінцуком Вячоркам.
Вінцук Вячорка нарадзіўся 7 ліпеня 1961 г.

У 1983 годзе скончыў філялягічны факультэт БДУ, у 1986 асьпірантуру пры Інстытуце мовазнаўства Акадэміі навук. З 1986 выкладаў у Менскім дзяржаўным пэдагагічным інстытуце (цяпер Беларускі дзяржаўны пэдагагічны ўнівэрсытэт). З 1990 працаваў выкладчыкам у Беларускім гуманітарным ліцэі. Намесьнік галоўнага рэдактара часопісу “Спадчына”.

Быў адным з заснавальнікаў “Майстроўні” (1979-1984 ), ініцыятараў стварэньня “Талакі” (1986-1989), з кастрычніка 1988 быў сябрам Аргкамітэту Беларускага Народнага Фронту за перабудову “Адраджэньне”. Намесьнік Старшыні БНФ (1995-1999, 2007 – г.ч.), з 1999 па 2007 – старшыня БНФ “Адраджэньне” і партыі БНФ (pbnf.org).

Неаднаразова арыштоўваўся і быў асуджаны за ўдзел у масавых акцыях.

Адзін з аўтараў Збору правілаў “Беларускі клясычны правапіс” (2005). Аўтар кнігі “Пра герб і сьцяг” (1993), разам з Пятром Садоўскім укладальнік “Чытанкі для дзіцячага сада” (1990).
У інтэрвію Радыё Свабода Вінцук Вячорка сказаў: “Беларускі Народны Фронт мае надзейны крытэр ацэнкі любой падзеі ці зьявы. Гэта - адпаведнасьць беларускім нацыянальна-дзяржаўным інтарэсам. Так, выбух 4 ліпеня шкодзіць гэтым інтарэсам. Не на карысьць нашым нацыянальным інтарэсам далейшае знаходжаньне А.Лукашэнкі пры ўладзе”.

Паказаць камэнтары

XS
SM
MD
LG