Сяргей Луканін нарадзіўся ў 1970 годзе ў Менску, служыў у войску, скончыў юрыдычны факультэт БДУ. Заснаваў і ўзначальвае юрыдычую фірму, працаваў ў Менскай абласной калегіі адвакатаў. “Тры гады таму я прыйшоў да Бога, – сказаў Сяргей Луканін у інтэрвію “Свабодзе”, – і зразумеў, што ўсе свае сілы і вопыт павінен накіраваць на абарону правоў вернікаў”.
Днямі пастары больш чым сарака беларускіх цэркваў, што ўваходзяць у Аб’яднаньне абшчын хрысьціянаў поўнага Эвангельля, накіравалі зварот Аляксандру Лукашэнку, у якім выказалі занепакоенасьць ціскам на пратэстанцкія цэрквы.
У 2006 годзе вернікі царквы “Новае жыцьцё” трымалі галадоўку, патрабуючы вярнуць ім зямельны надзел і спыніць перадачу будынку царквы на карысьць уладаў. Цяпер чыноўнікі ізноў патрабуюць ад вернікаў вярнуць будынак, а пастару Вячаславу Ганчарэнку пракуратура пагражае крымінальным перасьледам.