Лінкі ўнівэрсальнага доступу

logo-print

20-тысячны пратэст у Емэне


Масы людзей выйшлі сёньня на вуліцы сталіцы Емэну Саны з патрабаваньнем адыходу прэзыдэнта Алі Абдулы Салеха, які знаходзіцца ва ўладзе 30 гадоў. У розных частках гораду сабраліся як праціўнікі, так і прыхільнікі прэзыдэнта. Сёньняшнія акцыі называюць самымі масавымі на працягу двух апошніх тыдняў, калі ў краіне пачаліся масавыя выступы па прыкладзе Тунісу і Эгіпту. Дэманстрантаў не задаволіла ўчорашняя заява прэзыдэнта Салеха, што ён ня будзе балятавацца на выбарах 2013 году і не стане перадаваць уладу сыну.

Прэзыдэнт ЗША Барак Абама у часе тэлефоннай размовы з прэзыдэнтам Салехам вітаў яго ініцыятыву. Сытуацыя ўладаў Емэна ўскладняецца сэпаратысцкім рухам на поўдні, шыіцкім супрацівам на поўначы і ўсё большай прысутнасьцю Аль-Кайды.
XS
SM
MD
LG