Лінкі ўнівэрсальнага доступу

Вайсковая контравыведка зацікавілася Аляксеем Шэіным


Аляксей Шэін

Аляксей Шэін

Сустаршыню аргкамітэту стваранай партыі Беларускай хрысьціянскай дэмакратыі Аляксея Шэіна выклікалі на допыт ва ўпраўленьне вайсковай контравыведкі КДБ.

Шэіну прапанавалі апазнаць на фота- і відэаматэрыялах удзельнікаў групы, якая, на думку прадстаўнікоў спэцслужбы, зрабіла тое, што сьледзтва кваліфікуе як масавыя беспарадкі. Гэта прыкладна 7-9 чалавек.

Другое пытаньне, якое цікавіла прадстаўнікоў гэтай спэцслужбы, — меркаваньне Шэіна наконт таго, якія замежныя краіны маглі быць зацікаўленыя ў такім разьвіцьці падзеяў.

«Я выказаў меркаваньне, што паколькі Беларусь, дакладней, беларускія ўлады, апынуліся зараз фактычна ў стадыі халоднай вайны з Эўразьвязам і ЗША, і зараз вядуцца перамовы аб продажы часткі буйных беларускіх прадпрыемстваў расейскаму капіталу, такое разьвіцьцё падзей магло быць выгадным толькі прадстаўнікам праўладных фінансавых колаў Расейскай Фэдэрацыі,» — цытуе Аляксея Шэіна прэсавая служба БХД.

Паказаць камэнтары

XS
SM
MD
LG