Лінкі ўнівэрсальнага доступу

logo-print

Пратэсты ў Эгіпце: 20 тысяч дэманстрантаў


Тысячы дэманстрантаў сёньня ў Эгіпце патрабавалі палітычных і эканамічных рэформаў і сыходу прэзыдэнта Хосьні Мубарака, які кіруе краінай 30 гадоў.

Паліцыя ўжыла сьлезацечны газ і вадамёты супраць дэманстрантаў, якія ў адказ кідалі ў паліцыянтаў камяні і бутэлькі.

Пратэстоўцы скандавалі “Туніс, Туніс!”. У Каіры, Александрыі і некалькіх іншых гарадах Эгіпту на вуліцы выйшлі як найменей 20 тысяч чалавек.

Эгіпцяне пратэстуюць супраць таго ж, што і тунісцы – рост коштаў, беднасьць, бяспрацоўе, дыктатарскае кіраваньне.
Экспэрты адзначаюць, што туніская рэвалюцыя спрыяла актывізацыі апазыцыйных рухаў у многіх арабскіх краінах.

Дзяржсакратар ЗША Гілары Клінтан заявіла, што мяркуе, што урад ў Эгіпце “стабільны”.

Эгіпет зьяўляецца саюзьнікам Вашынгтону на Блізкім Усходзе.
XS
SM
MD
LG