Лінкі ўнівэрсальнага доступу

Генпракуратура: Мікалай Статкевіч 12 студзеня спыніў галадоўку


Мікола Статкевіч

Мікола Статкевіч

Генэральная пракуратура 24 студзеня правяла праверку ўмоў утрыманьня асоб, якія знаходзяцца ў СІЗА КДБ.

Гаворка ідзе, у прыватнасьці, пра абвінавачаных па крымінальнай справе аб падзеях у Менску ў дзень прэзыдэнцкіх выбараў 19 сьнежня 2010 году.

Як паведамілі БелаПАН у Генпракуратуры, устаноўлена, што рэжым утрыманьня гэтых людзей адпавядае патрабаваньням нарматыўных дакумэнтаў, іх здароўе здавальняючае. У выпадку неабходнасьці ім аказваецца кваліфікаваная мэдыцынская дапамога. Экс-кандыдат у прэзыдэнты Мікалай Статкевіч 12 студзеня спыніў галадоўку. Нагадаем, прымаць ежу ён адмовіўся 20 сьнежня.

У Генпракуратуры таксама заявілі, што да асобаў, якія знаходзяцца пад вартай, забясьпечаны ва ўстаноўленым парадку доступ адвакатаў і сваякоў, арганізавана атрыманьне пасылак, грашовых пераводаў і лістоў. Ім своечасова растлумачваюцца патрабаваньні заканадаўства Рэспублікі Беларусь, якія датычацца пытаньняў перапіскі і атрыманьня пасылак.

Падчас праверкі скаргаў і заяваў ад асоб, якія зьмешчаны ў СІЗА КДБ, не паступала, паведамілі ў Генпракуратуры.

Паказаць камэнтары

XS
SM
MD
LG