Лінкі ўнівэрсальнага доступу

logo-print

У трыбунал ААН па Лібане накіравалі дакумэнты аб забойстве Харыры


У Гаазе у спэцыяльным трыбунале ААН па справе, зьвязанай зь Лібанам, сёньня зарэгістраваныя сакрэтныя дакумэнты, паводле якіх будуць прынятыя рашэньні аб арыштах падазраваных у забойстве прэм’ер-міністра Лібану Рафіка Харыры.

Спэцыяльны трыбунал у пытаньнях Лібану быў створаны ў Гаазе паводле рэзалюцыі Рады бясьпекі ААН пасьля просьбы лібанскіх уладаў правесьці міжнароднае расьсьледаваньне і судзіць забойцаў Рафіка Харыры, які загінуў у выніку тэракту у Бэйруце 14 лютага 2005 году.

Мяркуецца, што сёньня ў трыбунал перададзеныя дакумэнты, якія сьведчаць пра датычнасьць групоўкі “Хізбула” да забойства.

На мінулым тыдні чальцы групоўкі “Хізбула” выйшлі зь лібанскага ўраду на знак пратэсту супраць расьсьледаваньня ААН.
XS
SM
MD
LG