Лінкі ўнівэрсальнага доступу

У віцебскім КДБ дапыталі Ўладзіслава Варанецкага


Уладзіслаў Варанецкі

Уладзіслаў Варанецкі

На размову са сьледчым кіраўніка віцебскага выбарчага штабу Андрэя Саньнікава забралі з дому і пад прымусам завезьлі на службовай машыне.

Уладзіслаў Варанецкі распавёў, што яго дапыталі пра падзеі ў Менску 19 сьнежня. Хлопец даў падпіску пра неразгалошваньне таямніцы сьледзтва, таму падрабязнасьцяў не паведамляў.

На менскай акцыі ён ня быў увогуле — машыну, на якой ён хацеў трапіць у Менск, па дарозе затрымалі супрацоўнікі ДАІ.

З супрацоўнікамі КДБ за апошні час актывіст размаўляў ужо другі раз. Упершыню яны выклікалі хлопца на гутарку, якая праходзіла ў дэканаце тэхналягічнага ўнівэрсытэту. Паводле Ўладзіслава Варанецкага, супрацоўнікі КДБ прапанавалі яму дапамогу, каб аднавіцца на вучобе, — калі ён адмовіцца ад заняткаў палітыкай і пойдзе на супрацоўніцтва. Ад такой прапановы хлопец адмовіўся.

Паказаць камэнтары

XS
SM
MD
LG