Лінкі ўнівэрсальнага доступу

Бабруйск: прафсаюзнага актывіста Міхаіла Кавалькова дапыталі ў КДБ


Міхаіл Кавалькоў

Міхаіл Кавалькоў

Старшыню Свабоднага прафсаюзу Беларускага Міхаіла Кавалькова дапыталі ў бабруйскім КДБ. Позву актывісту прывезьлі на працу, на завод трактарных дэталяў і агрэгатаў, сёньня на пачатку адзінаццатай гадзіны раніцы. У КДБ яго выклікалі як сьведку. Допыт доўжыўся больш за дзьве гадзіны.

Кавалькоў: «У КДБ са мной правялі прафіляктычную гутарку, каб больш я ня ўдзельнічаў у несанкцыянаваных мерапрыемствах. Гэта здымалася на камэру. Сьледчы сказаў, што мяне паставілі на прафіляктычны ўлік. Дамагаліся адказаў на пытаньні: „Як ехаў?“, „Дзеля чаго ехаў?“. Я адказаў, што паехаў на плошчу паводле сваіх перакананьняў. Я настаяў, каб было запісана, што канчатковае рашэньне я прыняў тады, калі Лукашэнка заявіў, што на плошчы ня будзе ніводнага чалавека. У пратаколе таксама запісана, што апошнія выбары былі ў Беларусі ў 1994 годзе».

Міхаіла Кавалькова затрымалі на плошчы Незалежнасьці 19 сьнежня. За ўдзел у акцыі пратэсту пакаралі дзесяцьцю суткамі адміністрацыйнага арышту. На заводзе трактарных дэталяў і агрэгатаў ён кіруе суполкай Свабоднага прафсаюзу Беларускага.
XS
SM
MD
LG