Выйшаўшы каля 22.45 зь менскай управы КДБ, спадарыня Тацяна паведаміла, што допыт доўжыўся больш за паўтары гадзіны. Інфармацыю пра сустрэчу з сынам, якая зьявілася на некаторых інтэрнэт-сайтах, яна катэгарычна абвергла.
Сьледчага КДБ цікавіла, дзе Тацяна Севярынец знаходзілася 19 сьнежня. Пра сустрэчу са зьняволеным у СІЗА КДБ Паўлам Севярынцам гаворкі не было.
Спадарыня Севярынец распавяла, што ў КДБ у яе забралі пашпарт, які потым не вярнулі. Яна кажа, што пашпарт знаходзіўся ў супрацоўніка, які не назваў сябе, але прадставіўся псыхолягам. Калі допыт у сьледчага завяршыўся, псыхоляг заявіў, што хоча яшчэ паразмаўляць з актывісткай, што ў яго ёсьць да яе “цікавыя прапановы”.
Тацяна Севярынец працягваць размову адмовілася, бо сьпяшалася на вакзал: паколькі на цягнік, каб паехаць у 20.40 у Варшаву, яна спазьнілася, то хацела хаця б здаць свой білет. Але супрацоўнік КДБ так і не вярнуў ёй пашпарт. Тацяна Севярынец патэлефанавала сьледчаму, які яе дапытваў, каб знайсьці таго, у каго застаўся дакумэнт. Але сьледчы сказаў, што ня ведае, хто гэта быў. Спадарыня Севярынец зьбіраецца пісаць скаргу на дзеяньні супрацоўнікаў КДБ.
Нагадаем, што маці зьняволенага палітыка затрымалі каля 19. 40 – за гадзіну да адыходу Варшаўскага цягніка. Спадарыня Севярынец зьбіралася паехаць у Варшаву, але каля пад’езду, калі яна выходзіла ад сваёй дачкі Ганны, ёй уручылі позву на допыт.
Сьледчага КДБ цікавіла, дзе Тацяна Севярынец знаходзілася 19 сьнежня. Пра сустрэчу са зьняволеным у СІЗА КДБ Паўлам Севярынцам гаворкі не было.
Спадарыня Севярынец распавяла, што ў КДБ у яе забралі пашпарт, які потым не вярнулі. Яна кажа, што пашпарт знаходзіўся ў супрацоўніка, які не назваў сябе, але прадставіўся псыхолягам. Калі допыт у сьледчага завяршыўся, псыхоляг заявіў, што хоча яшчэ паразмаўляць з актывісткай, што ў яго ёсьць да яе “цікавыя прапановы”.
Тацяна Севярынец працягваць размову адмовілася, бо сьпяшалася на вакзал: паколькі на цягнік, каб паехаць у 20.40 у Варшаву, яна спазьнілася, то хацела хаця б здаць свой білет. Але супрацоўнік КДБ так і не вярнуў ёй пашпарт. Тацяна Севярынец патэлефанавала сьледчаму, які яе дапытваў, каб знайсьці таго, у каго застаўся дакумэнт. Але сьледчы сказаў, што ня ведае, хто гэта быў. Спадарыня Севярынец зьбіраецца пісаць скаргу на дзеяньні супрацоўнікаў КДБ.
Нагадаем, што маці зьняволенага палітыка затрымалі каля 19. 40 – за гадзіну да адыходу Варшаўскага цягніка. Спадарыня Севярынец зьбіралася паехаць у Варшаву, але каля пад’езду, калі яна выходзіла ад сваёй дачкі Ганны, ёй уручылі позву на допыт.
