Пра гэта паведамляе «Наша Ніва». Сваякі Паўлава сказалі, што да сканчэньня следзтва ён не будзе даваць ніякіх каментароў СМІ.
Алег Корбан паведаміў, што яго выпусьцілі на ўмовах падпіскі аб нявыезьдзе і неразгалошваньня таямніцы следзтва:
“Днём выклікалі, сказалі, каб зьбіраўся. Чаму вызваляюць, не паведамілі”.
Ліста на імя Лукашэнкі Корбан не пісаў:
“Не, не пісаў. І нават ніхто не праапаноўваў. БТ таксама інтэрв’ю не даваў. Я ўдзельнічаў у дачы паказаньняў некалькі разоў. На пытаньні, што тычыцца мяне адмаўляўся адказваць. Праходзіў допыт на паліграфе, што ніякага дачыненьня да біцьця вокнаў я не маю. Сьледчы паводзіў сябе больш-менш спакойна, ніякіх наездаў на мяне не было”.