Лінкі ўнівэрсальнага доступу

Рыгор Кастусёў і партыя БНФ распачалі кампанію за вызваленьне палітвязьняў


Ігар Лялькоў, Аляксей Янукевіч, Рыгор Кастусёў

Ігар Лялькоў, Аляксей Янукевіч, Рыгор Кастусёў

Партыя БНФ пры падтрымцы былога кандыдата на прэзыдэнта Рыгора Кастусёва распачала кампанію за вызваленьне палітвязьняў, зьняволеных у зьвязку з падзеямі 19 сьнежня ў Менску.

У адмысловым звароце да беларускага народу кіраўніцтва партыі заклікала грамадзян не спыняць акцыю салідарнасьці і прадоўжыць справу вызваленьня праз асабістае паручніцтва за кожнага палітзьняволенага.

Гэта юрыдычная працэдура, прадугледжаная беларускім заканадаўствам, якая дазваляе хадайнічаць аб зьмяненьні меры стрыманьня зьняволенаму пад асабістую адказнасьць паручніка.

Ад сёньня ў сядзібе партыі можна падпісацца пад хадайніцтвам аб вызваленьні 29 палітвязьняў, якія зьняволеныя ў турме КДБ і сьледчым ізалятары на вуліцы Валадарскага.

Паказаць камэнтары

XS
SM
MD
LG