У Ватыкане адбываюцца ўрачыстасьці

У Ватыкане адбываюцца калядныя ўрачыстасьці з удзелам Папы Бэнэдыкта ХУІ. У сваім традыцыйным калядным пасланьні Папа папрасіў Бога пакараць “прыгнятальнікаў” сьвету і прыўнесьці ў стасункі паміж людзьмі “сапраўднае” братэрства. Тысячы людзей прынялі ўдзел ва ўрачыстай імшы ў саборы сьвятога Пятра мінулай начы.

Сёньня Папа зьвернецца з традыцыйным калядным пасланьнем “Urbi et Orbi” (“Гораду і сьвету”) і павіншуе каталікоў усяго сьвету з Нараджэньнем Хрыста.