Лінкі ўнівэрсальнага доступу

Адваката трэці дзень не пускаюць да Някляева


Уладзімер Някляеў

Уладзімер Някляеў

Адвакат Уладзімера Някляева Тамара Сідарэнка паведаміла, што сёньня яе зноў не пускаюць да яе падабароннага, які знаходзіцца ў сьледчым ізалятары КДБ.

"На сёньня я магу зрабіць аб'ектыўную выснову, што гэта сытуацыя, якая ствараецца штучна. Нам нічога ня кажуць. Мы сядзім у чарзе ў прыёмнай КДБ. Дзяжурны прыходзіць зь СІЗА і забірае асобаў, якія сядзяць у чарзе за намі. Мы першыя ў чарзе, але нам не даюць сустрэцца зь Някляевым", — паведаміла Сідарэнка.

Адказваючы на пытаньне, дзеля чаго гэта робіцца, Сідарэнка сказала: "Яны рэальна ня хочуць дапусьціць адваката да кантактаў зь Някляевым ужо цягам трох дзён. Тым самым парушаюць і нашы правы як адвакатаў, і правы Някляева як грамадзяніна".

Паказаць камэнтары

XS
SM
MD
LG