Лінкі ўнівэрсальнага доступу

logo-print
Пра гэта лідэр руху "За свабоду" заявіў сёньня на прэсавай канфэрэнцыі, адказваючы на пытаньне нашага радыё пра стаўленьне да слоў Яраслава Качыньскага.

Як ужо паведамляла "Свабода", лідэр партыі "Права і справядлівасьць" заявіў, што палітыка польскага ўраду адносна Беларусі "пацярпела паразу".

Аляксандар Мілінкевіч сказаў:

"Я не падзяляю пункту гледжаньня пра правал польскай палітыкі, хоць недахопаў у кожнай палітыцы хапае. Палякі, пачынаючы з 2006 году, падтрымліваюць нашу грамадзянскую супольнасьць і мэдыі, якія працуюць на Беларусь, больш за ўсе іншыя краіны Эўразьвязу. Ідзе падтрымка "Белсату", а гэта вельмі дарагі праект, ідзе падтрымка Радыё Рацыя. І да сёньняшняга дня, нягледзячы на тое, што студэнтаў у апошнія гады менш выкідалі з унівэрсытэтаў за ўдзел у палітычных акцыях, працягваецца праграма Каліноўскага. І яна не зьмяншаецца. Польскі прэм'ер сказаў, што нават калі ня будзе рэпрэсаваных, мы хочам захаваць гэтую праграму дзеля таго, каб у ёй удзельнічалі таленавітыя людзі зь Беларусі, якія могуць набыць веды паводле эўрапейскіх праграмаў у эўрапейскіх унівэрсытэтах.

І, зноў жа, Польшча разам са Швэцыяй — ініцыятар праграмы "Ўсходняе партнэрства". Я лічу, што гэтая праграма таксама важная для Беларусі, хоць краіна дагэтуль не скарыстала магчымасьці, якія там ёсьць".

Ваша меркаваньне

Паказаць камэнтары

XS
SM
MD
LG