Лінкі ўнівэрсальнага доступу

Расейская амбасада чакае дадзеных пра затрыманых


Амбасада Расеі ў Беларусі ня можа атрымаць інфармацыю аб расейскіх грамадзянах, затрыманых падчас вулічнай акцыі апазыцыі 19 сьнежня ў Менску.

Пра гэта РИА Новости паведаміў прэс-сакратар расейскай амбасады Вадзім Гусеў.

"Яшчэ ўчора днём нам абяцалі, што МУС Беларусі перадасьць у МЗС сьпісы затрыманых замежных грамадзян, але пакуль гэтага не адбылося", — сказаў прадстаўнік расейскай амбасады.

Паводле сябра БХК Гары Паганяйлы, сярод затрыманых ёсьць грамадзяне Ўкраіны, Расеі і іншых краін.
XS
SM
MD
LG