Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

ВЕТРАНА...


...і марозна. Тэмпэратура: -9 – -4 С.

НЕ ПРАХОДЗЬЦЕ МІМА:


Каля судоў у Менску – магчыма, там будуць судзіць вашых знаёмых або сяброў, затрыманых 19 сьнежня.

ТАМ ДЗЕ НАС НЯМА:


Прэзыдэнт Расеі Дзьмітрый Мядзьведзеў у Індыі.

ТАКСАМА Ў ГЭТЫ ДЗЕНЬ:


У 1991 годзе была падпісаная Алма-Ацінская дэклярацыя, якая абвясьціла стварэньне Садружнасьці Незалежных Дзяржаваў.

У 1913 годзе выйшаў у сьвет першы і адзіны зборнік паэзіі Максіма Багдановіча “Вянок”.

У 2007 годзе ў Шэнгенскае пагадненьне ўвайшлі яшчэ 9 краінаў Эўразьвязу – Літва, Латвія, Эстонія, Польшча, Чэхія, Славаччына, Славенія, Вугоршчына і Мальта.

ЁСЬЦЬ НАГОДА:


21 сьнежня – самы кароткі і самы цёмны дзень у годзе. У Нідэрлянах яго адзначаюць як Дзень сьвятога Томаса. У гэты дзень нідэрляндзкія вучні стараюцца прыйсьці ў школу як мага раней. Таго, хто прыйдзе апошнім, сябрукі з клясы ўвесь дзень празываюць "сонным Томасам".

МІНУС 365:


Хто з “былых” зьехаў у Расею?

ЦЫТАТА НА ПАМЯЦЬ:


"Ціха па мяккай траве
Сінявокая ноч прахадзіла;
Ціха з заснуўшых палян

Плыў у гару і зьнікаў,
Быццам дым сіневаты з кадзіла,
Рэдкі правідны туман;

Неба ўсю глыб ажывіўшы,
Патроху праз цемнь выглядалі
Зорак дрыжачых вянкі;

Конікі суха зьвінелі;
Шырэй разьліваліся хвалі
Цёмнай, люстранай ракі;

Пала раса; у палёх
Загарэліся пацеркі мілых
Жоўта-чырвоных агнёў...

Час, калі трэба журыцца
Душою на сьвежых магілах
Пуста пранёсшыхся днёў."


Максім Багдановіч, са зборніка "Вянок".
XS
SM
MD
LG