Лінкі ўнівэрсальнага доступу

Лукашэнка правёў першую пасьля прэзыдэнцкіх выбараў прэсавую канфэрэнцыю


Аляксандар Лукашэнка

Аляксандар Лукашэнка

Лукашэнка выступае ў Палацы рэспублікі. Прысутнічаюць дэпутаты Палаты прадстаўнікоў, прадстаўнікі ўраду. На першыя шэрагі заганлі студэнтаў БАТУ. На сьцяне плякат, на якім па дыяганалі напісана слова «Беларусь». На літару «Л» — Лукашэнка, на «А» — Аляксандар, на «Р» — Рыгоравіч. АБНАЎЛЯЕЦЦА

Апазыцыі нічога прапаноўваць ня буду. Хай яны ідуць з прапановамі. Трэба іх прынесьці, паказаць. Калі будзе нешта добрае, возьмем. Калі ёсьць карысная прапанова, павесім хамут, цягні.

Я гляджу на журналістаў і ведаю, хто пра што думае. Адарвцеся ад Лукашэнкі-дыктатара і зьвярніце ўвагу на наш народ.

Я забараніў Барадзіну, які ў Менску, дрэнна гаварыць пра Расею, бо інакш мне гэта бокам вылезе. Расея — наш старэйшы брат. Горш, чым у нас было з Расеяй, ужо ня будзе. Калі нам будучь ствараць неверагодныя ўмовы, я заўжды пагаджаюся: гэта — ваш тавар. Але Расея ня мусіць нам перашкаджаць шукаць альтэрнатыву. У нас будуць вельмі добрыя дачыненьні з Раесяй.

Лукашэнка паведаміў, што Ўладзімер Някляеў знаходзіцца ў сьледчым ізалятары.

На гэтых выбарах на просьбу Колі прагаласаваў за сябе ўпершыню. Раней я на любых выбарах галасаваў за нераскручанага чалавека. А тут малы папрасіў.

Зьміцер Панкавец з «Нашай Нівы» задаў пытаньне — ці можна параўнаць падзеі на Плошчы Незалежнасьці 19 сьнежня з падпалам рэйхстагу.

Лукашэнка: На шчасьце, нічога не загарэлася. Дазвольце, я раскажу, як усё было. Альтэрнатыўныя кандыдаты самі сказалі — «нам сорамна». Начальнік штабу Някляева расказаў праўду. У 7 вечара некалькі аўтамабіляў. Ад маці паступіў званок — ратуйце дзіця, пайшоў з дому, узяў тэрмас, у тэрмасе выбухоўка. Празь нейкі час мы знайшлі гэтага хлопца. Ніякай выбухоўкі там не было. Проста ад іх пайшла маса правакацыйных выкідаў пра нажы, выбухоўку і гэтак далей. Але хто мог адрозьніць, дзе правакацыя, дзе не правакацыя. У 7 паступіла інфармацыя, што на Нямізе ў аўтамабілях ёсьць тое, чаго не павінна быць. Пад’ехалі — прад’явіце аўтамабілі для дагляду. Нарад міліцыя быў зьмяты, іх было 64 чалавекі, прыйшло падмацаваньне. І што там было ў аўтамабілях? Мы гэта пакажам усім.

Дзякуй гэтаму хлопцу, начальніку штаба, які сказаў усю праўду. Далей мне проста сорамна расказваць. Някляеў паехаў у бальніцу. Я званю міністру аховы здароўя, ён кажа, нічога страшнага, драпіна. Някляеў рвецца на плошчу, бо там безь яго падзялілі ўладу. Падзеі на плошчы скончыліся, і міністар кажа, што Някляеў ужо ня хоча з бальніцы сыходзіць. А ён там адляжацца хоча. А тут і Рымашэўскі, крычыць «далі па галаве». Дык ты ж мужык, ну далі, ну і што? Я глядзеў расейскія СМІ, думаў, што ён там памёр, але гляджу — жывы. Які ж ты прэзыдэнт, калі табе па мордзе далі, а ты лямантуеш на ўвесь сьвет?

Другое. Вы ведаеце, што на плошчы павінна было адбыцца на самой справе. Я даручыў Паўлу Якубовічу апублікаваць усё, у тым ліку пазыцыю некаторых дыпляматаў. Някляеў паабяцаў міністру замежных справаў Нямеччыны, што плошча будзе мірнай. Але мэта плошчы была іншая. Раскруціцца і потым ісьці на парлямэнцкія выбары. І на Плошчы яны мусілі прыняць рашэньне, хто замест Мілінкевіча будзе лідэрам апазыцыі. Але пра гэта даведаўся Саньнікаў. Але ягоная «мамка» даведалася Рымашэўскі чалавек з павёрнутай вежай, прыйшоў ў шал. Ён заявіў, я гэтым прарасейскім ня дам захапіць уладу. І Плошча мусіла рашыць, хто заўтра стане лідэрам апазыцыі. Я сказаў прыбраць усе пасты каля рэзыдэнцыі. А яны рашылі «да рэзыдэнцыі не ісьці, бо мала не падасца». І правільна. Я ўсё гэта бачу, і кажу міністру — «не кранайце». Пяройдуць Рубікон — атрымаюць. І міліцыя вельмі мякка іх разагнала.

Я папярэджваў — «хлопцы, вы ня з тым зьвязаліся, я хавацца ня буду». Таму давайце на гэтым скончым, больш бязглуздай дэмакратыі, бесталковай дэмакратыі у нас у краіне ня будзе"

Як вырашаюцца такія пытаньні, мы вам пакажам на прыкладзе Бябеніна. Калі вы хацелі зрабіць вінаватай уладу. А ўлада пра яго ня ведала... Я першы раз пра яго пачуў, калі было паведамленьне пра сьмерць. Чаму вы ня хочаце паставіць да сьцяны тых, хто правёў зь ім а пошнія хвіліны? Чаму адзін з дзеячоў, якому ён вёз 200 тысячаў, цяпер маўчыць? Яны вельмі баяцца гэтых пытаньняў, а мы іх зададзім. Мы проста чакалі сканчэньня выбарчай вакханаліі.

За кожнае напісанае слова вы будзеце адказваць.

Зараз мы вельмі дэмакратычна, як гэта прынята на захадзе і на ўсходзе... Ёсьць суд. Ідзіце туды і даказвайце.

Я распарадзіўся апублікаваць усе матэрылы пра эўрапейскіх партнэраў. Апублікуем дакумэнты, якія павінныя захоўвацца па грыфам «сакрэтна».

Мы рэфармуем інтэрнэт. Мы яго даводзім да заходніх стандартаў. Мы спэцыяльна не чапалі гэта да выбараў.

Мы вам далі поўную свабоду. Але вы будзеце за гэта адказваць.

Калі вашыя рэдакцыі знаходзяцца за мяжой, мы будзе выстаўляць прэтэнзіі тым краінам.

Ніякіх зьніклых апанэнтаў у мяне не было. Калі вы мяне папракаеце, што зьнік апэратар тэлебачаньня, які ж мне гэта апанэнт? Гэта добры чалавек. Гэта мой боль.

Пра касьцёл Сьвятога Язэпа: «У мяне ня проста ўзяць — гэта праўда... Кардынал і Бэртонэ ніякіх прэтэнзіяў не вылучалі»

«Сёньняшняе заключэньне АБСЭ прагрэсіўнае у параўнаньні з тым, што было. Але яно абсалютна не адпавядае таму, што было на выбарах.

Мы ня будзем гарбаціцца, паўзьці, угаворваць і упрошваць — пра стасункмі з Эўразьвязам.»

Пра выцечкі Вікілікс

«Што можа прэзыдэнт казаць міністру замежных справаў іншай краіны, калі гэта зусім розныя вагавыя катэгорыі? А там напісана, што я 40 хвілін зь ім гаварыў.

Ці вось напісалі, што Лукашэнка мае 9 мільярдаў даляраў. Знайдзіце гэта і забярыце сябе. Людзі ведаюць, што нават мільён цяпер немагчыма схаваць, так, каб ніхто ня ведаў. Нават у Расеі, калі б прэзыдэнт хацеў украсьці столькі, ён бы ня мог. Шмат украсьці можна толькі на прыватызацыі! Бо там кошт ацэньваецца „ад балды“. Якая была хлусьня. Я ніколі не падманваў свій народ. Я толькі прынасіў свайму народу ў гэтую капілку. І быў першы мільярд, калі я поўзаў на каленях за Ельцыным, каб ён нам яго сьпісаў. Я тым мільярдаў акупіў усю сваю дзейнасьць на стагодзьдзі.

Я не магу перажыць, калі мяне папракаюць, што я штосьці ўзяў чужое. Я ніколі гэта плод не сарву, хаця ў мяне было шмат спакусаў. Я даўно мог стаць мільянэраў. І я буду ахвяраваць усім, што ў мяне ёсьць, дзеля свайго народу.»

«У нас нікаго ў турму не загоняць, калі ён сам туды не патрапіць. Некаторыя пішчом туды лезуць.»

«Будуць усе сядзець у турме па закону».

«Яны хацелі карцінкі. Яны яе атрымалі. Якія да мяне прэтэнзіі?»

«Для гэтага спатрэбілася 7,5 хвілінаў. Мы ўсіх папярэджвалі.. мужыкі, не нарывайцеся! Плакаць ня трэба. Строга па закону спросім з тых, хто буяніў, арганізоўва, хто цяпер у бегах. Мы іх знойдзем.»

«Каб я не абараніў сваю краіну... усё магло б пайсьці па-іншаму у краіне. Я ведаю, да чаго гэта магло прывесьці.»

«Якія адносіны мае АБСЭ да таго, што адбылося ноччу? Выбары ўжо скончыліся. Навошта пра гэта пісаць у заключэньні (АБСЭ), калі выбары скончыліся?»

«Часам асобныя місіі забываюць пра тое, што яны прыехалі назіраць, а не камандаваць»

«Асаблівая ўдзячнасьць ЦВК і ўсім камісія, якія вытрымалі ціск ад нашых дабразычліўцаў»

«Параваахоўныя ворганы церпіліва знасілі бясчынствы малодчыкаў, пакуль не пайшлі пагромы.»

«Тое, што спрабавалі зрабіць учора — гэта не дэмакратыя а бандытызм.»

«Правахоўнікі дзейнічалі ў рамках закону. Яны абаранялі краіну ад варварства.»

«Групе баявікоў і іх кіраўнікам пратрэбая была нагода, каб апраўдаць пабоі.»

«Мы ведамі пра гатоўнасьць апазыцыі да правакацыяў. Былі зафіксаваныя спробы подкупу кіраўнікоў камісіяў. Прапаноўвалі 50 тысячаў даляраў.»

«Акрытасьць і празрыстаць была такая, што людзі блыталіся: ці то гэта выбары, ці то рэаліці-шоў.»

«За заклік за плошчу — а гэта быў галоўны лейтматыў вытсупаў кандыдатаў... за тое трэба было адразу здымаць з выбараў».

Лукашэнка пачаў з крытыкі працы міжнародных назіральнікаў: «Па вялікаму рахунку, цяжка сказаць, чаго мы не зрабілі, каб выбары адпавядалі нейкім усясьветным стандартам».

На адрас міжнародных назіальнікаў: «Мы рабілі так, як вы патрабавалі — якія да нас прэтэнзіі?»

«Для праціўнікаў — дрэнная навіна: як меней 5 гадоў трэба будзе мець справу зь дзейным прэзыдэнтам».

Паказаць камэнтары

XS
SM
MD
LG