Лінкі ўнівэрсальнага доступу

logo-print

Беларусь просіць Іран падтрымаць рубель


Старшыня Нацыянальнага банку Беларусі Пётар Пракаповіч сустрэўся ў Тэгеране зь міністрам камэрцыі Ірану Мэхдзі Газанфары, паведамляе іранскае выданьне The Teheran Times.

Перамовы былі прысьвечаныя ўвядзеньню мэханізмаў выкарыстаньня ў двухбаковым гандлі нацыянальных валютаў.

Раней Беларусь заключыла дамовы своп аб выкарыстаньні нацыянальных валютаў у двухбаковым гандлі зь Кітаем і Ўкраінай на агульную суму мільярд даляраў. Гэтыя зьдзелкі дазваляюць Беларусі імпартаваць прадукцыю з названых краінаў не трацячы сваіх валютных рэзэрваў.

Неўзабаве чакаецца падпісаньне аналягічнай дамовы зь Літвой.

Аналітыкі выказваюць асьцярогі, што памяншэньне валютных рэзэрваў Беларусі ў сувязі з ростам імпарту можа зрабіць непазьбежнай дэвальвацыю беларускага рубля.
XS
SM
MD
LG