Лінкі ўнівэрсальнага доступу

"Яшчэ ж цэлы тыдзень, каб вызначыцца і выбраць"


Ці вызначыліся, за каго будзеце галасаваць на выбарах? Што паўплывала на Ваш выбар? Адказваюць людзі на вуліцах Івацэвічаў.




Спадар: "Я яшчэ нават не магу вам і сказаць, за каго буду галасаваць.
Яшчэ ж цэлы тыдзень часу, каб вызначыцца і выбраць".

Спадарыня: "За каго буду галасаваць – гэта ж неабавязкова агучваць.
Але я выбар свой зрабіла. Магу сказаць, што мяне задавальняе існуючае
кіраўніцтва".

Спадарыня: "Я буду галасаваць за Лукашэнку. Лічу, што мой дабрабыт за
апошні час палепшыўся. Слухала альтэрнатыўных кандыдатаў, але мне не
спадабалася тое, што і як яны гаварылі".

Спадар: "Я буду галасаваць за бацьку. Мы ўвесь час за яго галасуем".

Спадарыня: "Я асабіста ведаю, за каго буду галасаваць на выбарах.
Увогуле я працую на будоўлі, мне добра, сытуацыя мяне задавальняе
цалкам. Я пэнсіянэрка, але вось мне дазволілі працаваць".

Спадар: "Я пакуль не зусім і вызначыўся, за каго аддам свой голас. Але,
хутчэй за ўсё, пастаўлю подпіс за Шурыка".

Спадарыня: "Прагаласую за дзейнага кіраўніка краіны. Мяне збольшага
ўсё задавальняе".

Спадарыня: "Я прыняла рашэньне, за каго прагаласую, а на выбар
паўплывала мая стабільнасьць".

Спадар: "А хто яго ведае, я пакуль што ня вызначыўся канчаткова. За каго ж
тут можна яшчэ галасаваць? Слухаў альтэрнатыўных кандыдатаў, ня
вельмі яны мне спадабаліся. Буду, відаць, галасаваць за Лукашэнку".

Спадарыня: "Я пакуль яшчэ не выбрала, за каго буду галасаваць. Да
выбараў цэлы тыдзень, а гэта даволі шмат, таму яшчэ ёсьць час. Але
найбольш мне імпануе Рымашэўскі. Таму ня ведаю, магчыма, прагаласую за
яго".
XS
SM
MD
LG