Лінкі ўнівэрсальнага доступу

Кіраўнікі Расеі і Беларусі правялі асобную двухбаковую сустрэчу да пачатку пасяджэньня найвышэйшага органу Мытнага саюзу.

Пра гэта паведамляе РИА-Новости з спасылкаю на прэсавага сакратара расейскага прэзыдэнта Натальлю Цімакову. Паводле яе, у часе сустрэчы абмяркоўвалася супрацоўніцтва ў рамках Мытнага саюзу.

Больш дэталёвым быў у сваёй інфармацыі прэсавы сакратар беларускага прэзыдэнта Павел Лёгкі. Спасылаючыся на яго, БЕЛТА паведамляе, што кіраўнікі гаварылі ў фармаце сам-насам больш як паўтары гадзіны. Па словах Лёгкага, сустрэча праходзіла ў спакойнай, канструктыўнай і сяброўскай атмасфэры. Паведамляецца таксама, што па ініцыятыве расейскага боку прэса не прысутнічала. Аляксандр Лукашэнка, выйшаўшы пасьля сустрэчы, толькі пажартаваў на адрас журналістаў, што прэса, маўляў, не пасьпявае за прэзыдэнтамі.

Паказаць камэнтары

XS
SM
MD
LG