Лінкі ўнівэрсальнага доступу

logo-print

Віцебскім агітатарам за Міхалевіча пагражаюць фізычнай расправай


Алесь Галавань

Алесь Галавань

Як распавёў віцебскі актывіст Алесь Галавань, ужо два дні запар прыхільнікі Алеся Міхалевіча ня маюць магчымасьці вольна раздаваць мінакам улёткі. З тэрыторыі гандлёвага цэнтру “Эвіком” агітатараў прагналі ахоўнікі, а каля гандлёвага цэнтру “Кантынент” давялося паспрачацца з грамадзянамі, якія назваліся міліцыянтамі.

Алесь Галавань кажа, што ў абодвух выпадках былі пагрозы прымяніць фізычную сілу.

Ахоўнікі гандлёвага цэнтру “Эвіком” заявілі, што дазволу на правядзеньне агітацыі актывісты мусяць пытацца ў прэзыдэнцкай адміністрацыі – маўляў, менавіта там знаходзяцца гаспадары гэтай тэрыторыі. Нязгода агітатараў выклікала абурэньне: ахоўнікі ў нецэнзурных выразах сталі патрабаваць, каб актывісты спынілі агітацыю.

Падобная сытуацыя адбылася і каля гандлёвага цэнтру “Кантынент”. Калі Алесь галавань і Валеры Раманенка ўжо завяршалі распаўсюд улётак, да іх падышлі яўна нецьвярозыя грамадзяне, назваліся супрацоўнікамі міліцыі ды пачалі пагражаць фізычнай расправай.

Паводле Алеся Галаваня, у абодвух выпадках актывісты палічылі за лепшае сысьці, каб не правакаваць бойку і не ствараць адмоўных прэцэдэнтаў падчас агітацыйнай кампаніі.

Паказаць камэнтары

XS
SM
MD
LG