Лінкі ўнівэрсальнага доступу

Рыгор Кастусёў: Мы ня хочам жыць на мосьце, мы хочам жыць у сваім доме


Рыгор Кастусёў

Рыгор Кастусёў

1 сьнежня ў эфіры Беларускага тэлебачаньня адбыўся выступ кандыдата ў прэзыдэнты Рыгора Кастусёва.

Кандыдат ад партыі БНФ Рыгор Кастусёў хацеў другую паўгадзінку эфірнага часу аддаць сваёй даверанай асобе — Аляксандру Мілінкевічу, але ЦВК не дазволіла гэта зрабіць.

На экране з аднаго боку — бел-чырвона-белы сьцяжок, з другога — герб «Пагоня».

Распавёу пра сябе — дзе нарадзіўся, пра бацькоў, шафёра і працаўніцу саўгасу. За час дзяцінства засвоіў трактар, аўтамабіль, можа кіраваць любой тэхнікаў. Служыў у войску. Вучыўся ў Беларускай сельгасакадэміі. Мае трое дзяцей. Біяграфія — тыповая.

Пасьля першага выступу атрымаў шмат тэлефанаваньняў ад людей, зь якімі ён працаваў.







Тэзы выступу


• Беларусь бачыць уладкаванай па-іншаму. Беларусь бачыць уладкаванай па-іншаму. Мае трое дзяцей. Паказаў свае фотаздымкі. Кажа, што няма чаго хаваць. Зараз працуе ў будаўнічай арганізацыі, ідзе будаваць Беларусь, дзе беларусам будзе жыць утульна.

• Беларусы мелі ў старажытнасьці вельмі добрую адукацыю, навукоўцы вучылі расейскіх цароў грамаце, а эўрапейцаў — страляць з гармат… Паўтарыўся пра сьцяг Хрыста і герб «Пагоню». Чаму беларусы апынуліся ў заняпадзе? Як выходзіць зь яго?

• БНФ мае маральнае права казаць праўду. БНФ дамогся, каб даведаліся праўду пра Курапаты, пра Чарнобыль.

• Масква зрабіла стаўку на паэта-песеньніка, якія апяваў камсамол.

• На 19 сьнежня прызначана сустрэча кіраўніцтва Беларусі і Расеі, каб абмеркаваць адзіную эканамічную прастору. Рыхтуецца страта нашай незалежнасьці. Крэмль зноў падтрымае беларускага дыктатара.

• Мне незразумела, пра якія стасункі з Масквой кажа яшчэ адзін кандыдат, былы дыплямат.

• Расея хоча ўвесьці адзіную валюту. Вось для чаго былі “Хросныя бацькі“.

• Прыводзіць лічбы, колькі ЭЗ выдаткаваў Грэцыі. А Расея Беларусі значна менш.

• Мы закладнікі геапалітычнай катастрофы

• Нашай краіне рыхтуецца лёс месца для чыгункі, аўтадарог, палігонаў. Абслугоўваць будзе невялікая купка людзей, а можа, і кітайцы.

• Мы ня хочым жыць на мосьце, мы хочам жыць у сваім доме. Тут павінна быць наша мова, культура

• Дзьве вайны — супраць Чарнобылю і супраць дыктатуры мы можам выйграць, калі аб’яднаемся.

• Кожнай сям’і, дзе трое дзетак, кватэру альбо дом

• Узгадвае плян Маршала, калі адрадзілі Нямеччыну. Такі плян патрэбны і нам.

• Ускосна, не называючы прозьвішча, нэгатыўна згадвае пра кандыдата-эканаміста.

• У мяне ёсьць плян, як вярнуць людзям уклады. Канкрэтныя прапановы, як выйсьці з крызісу.

• Узгадвае Балта-чарнаморскі калектар, прапанову БНФ.

• Зьнешні доўг больш за 25 мільярдаў даляраў.

• Пэнсіі плаціць МВФ, а не кіраўнік дзяржавы.

• Мы кормім жулікаў з апарату Саюзнай дзяржавы. На розныя саюзныя праграмы выдаткоўваюцца мільёны даляраў, грошы раскрадаюцца.

• У праграме ёсьць пункт пра выхад з Саюзнай дзяржавы. Грошы — інвалідам, навучэнцам.

• Нацыянальныя інтарэсы вышэй за ўсё.

• Выклікаў на тэледэбаты пракрамлёўскіх кандыдатаў — Лукашэнку, Саньнікава, Някляева. Гатовы да фармату адзін супраць трох.

• Узгадаў візыт Лукашэнкі ў Ватыкан і падарунак Колі папу рымскаму. Але падарунак быў — расейскі буквар, а не беларускі. Дэманструе беларускі буквар. Хоча перадаць гэты буквар сыну Лукашэнкі Колю. А таксама — сьцяжок і «Пагоню» А самому Лукашэнку — праграму БНФ.

• На разьвітаньне зьвярнуўся да выбарцаў — паабяцаў зрабіць усё, каб Беларусь была ўтульнай, незалежнай, дэмакратычнай дзяржавай.

• Паабяцаў сустрэцца з выбарцамі ў дзень выбараў на плошчы. Завяршыў заклікам «Жыве Беларусь!»

Паказаць камэнтары

XS
SM
MD
LG