Лінкі ўнівэрсальнага доступу

logo-print

Эквадор можа даць прытулак заснавальніку WikiLeaks


Намесьнік міністра замежных справаў Эквадору Кінта Лукас заявіў, што ягоная краіна запросіць на жыхарства заснавальніка сайта WikiLeaks Джуліяна Эсанжа, калі яму спатрэбіцца прытулак. Эсанж – ураджэнец Аўстраліі – разьмясьціў на сваім сайце сотні тысяч амэрыканскіх дакумэнтаў пра вайну ў Аўганістане, Іраку, а таксама дыпляматычную перапіску, што выклікала абурэньне Вашынгтону.

У панядзелак генэральны пракурор Аўстраліі заявіў, што вывучае пытаньне, ці не парушыў Эсанж нейкія аўстралійскія законы. Раней Швэцыя абвясьціла ў міжнародны вышук Эсанжа паводле абвінавачваньня ў згвалтаваньні і сэксуальных дамаганьнях.
XS
SM
MD
LG