Лінкі ўнівэрсальнага доступу

logo-print

Прэзыдэнт Сэрбіі прыбыў у Харватыю


Прэзыдэнт Сэрбіі Борыс Тадзіч сёньня прыбыў з двухдзённым візытам у Харватыю. Гэта наступны крок на шляху да аднаўленьня добрасуседзкіх стасункаў паміж краінамі.

Абвяшчэньне Харватыяй незалежнасьці ад былой Югаславіі выклікала чатырохгадовую вайну з сэрбамі, якія выступілі супраць незалежнасьці Харватыі. У выніку канфлікту загінулі каля дваццаці тысяч чалавек.

Тры тыдні таму першы візыт у Сэрбію зрабіў прэзыдэнт Харватыі Іва Ёсіпавіч. Тады прэзыдэнты абмеркавалі вяртаньне ўцекачоў, памежныя пытаньні і эканамічнае супрацоўніцтва.

Эўрапейскі Зьвяз, далучыцца да якога жадаюць і Сэрбія, і Харватыя, настойвае на паляпшэньні стасункаў паміж краінамі.
XS
SM
MD
LG