Лінкі ўнівэрсальнага доступу

Міхалевіч: “Я не хачу ўдзельнічаць у спаборніцтве абяцаньняў кандыдатаў”


Алесь Міхалевіч

Алесь Міхалевіч

Алесь Міхалевіч — другі кадыдат на прэзыдэнта, які выступаў па беларускім тэлебачаньні з прамовай. Міхалевіч выступаў на расейскай мове з устаўкамі па-беларуску. Выступ ён ладзіў у форме адказаў на пытаньні з сайту і сустрэчаў.







Тэзы выступаў:


• Эканамічны рост. Умовы для малога і сярэдняга бізнэсу.

• Эфэктыўная дзяржава — падзел уладаў. Рэформа мясцовага самакіраваньня.

• Наша эканамічная мадэль была эфэктыўна ў 90-х гадах і першых гадах цяперашняга стагодзьдзя. Цяпер — не.

• За 20 гадоў не пабудавана ніводнага буйнога прадпрыемства. Звышпрыбыткаў цяпер няма, і, думаю, іх ня будзе.

• Як стаўляюся да Мытнага зьвязу? Калі ён будзе эфэктыўным — буду рабіць высновы.

• Менш ідэалёгіі — больш эканомікі!

• Крэдыты, якія бралі былыя ўлады, трэба будзе вяртаць. Інакш да нас не прыдуць патэнцыйныя інвэстары.

• Мяне не палохаюць інвэстыцыі з Расеі. Як і іншыя... Але шмат хто з расейскіх інвэстараў — беларусы, якія працуюць там.

• Чаго чакаць вайскоўцам? Войска патрэбна. У сьвеце — шмат канфліктаў. Я прапаную, каб Беларусь была нэўтральнай дзяржавай.

• Кожны афіцэр павінен быць упэўнены, што пасьля сканчэньня службы атрымае дом пад Менскам. Служба павінна быць прэстыжнай.

• Ці патрэбная амністыя? Я не прыхільнік шматлікай амністыі. Большасьць сядзіць за злачынствы. Але шмат — за эканамічныя злачынствы. Трэба зрабіць прадуманую амністыю за эканамічныя злачынствы.

• Я — за прыватную ўласнасьць на зямлю. Права ўласнасьці на зямлю павінна быць гарантаванае.

• Мы павінны наладжваць стратэгічнае партнэрства як з Расеяй, так і з Эўразьвязам. Побач — Украіна. Скандынавія важная. Добрыя адносіны павінныя быць як на Захадзе, так і на Ўсходзе.

• У бліжэйшыя 10 гадоў уступленьне Беларусі ў Эўразьвяз — нерэальнае. Але партнэрства павінна стаць сур’ёзным прыярытэтам.

• Трэба зрабіць, каб жыхары Эўразьвязу маглі езьдзіць да нас без візаў.

• Павінная быць мадэрнізацыя ўлады.

• Я прыхільнік таго, каб прэзыдэнт мог абірацца на сваю пасаду 2 разы.

• Павінна быць незалежнасьць судоў. Пакуль яны стаяць на абароне інтарэсаў дзяржавы.

• Наконт пытаньня пра вяртаньне да парлямэнцкай рэспублікі стаўлюся негатыўна. Павінен быць пост прэзыдэнта. Ён павінен ачольваць выканаўчую ўладу

• Я супраць прызнаньня Абхазіі і Паўднёвай Асэтыі. Межы Эўропы не павінныя перакройвацца. Інакш зьявіцца шмат гарачых кропак.

• Я не абяцаю павышэньня пэнсій. Пасьля павышэньня — рост цэнаў, інфляцыя.

• Але калі будзе эфэктыўная эканоміка — дзеці будуць атрымліваць прыстойную зарплату.

• Барацьба з п’янствам. У асноўным прадаюцца чарніла, бырла. Павіннна быць забарона на моцныя пладова-ягадныя віны. А на добрыя вінаградныя віны трэба адмяніць акцызы.

Паказаць камэнтары

XS
SM
MD
LG