Лінкі ўнівэрсальнага доступу

Беларусцы забаранілі назіраць за парлямэнцкімі выбарамі ў Азэрбайджане


Тацяна Каралёва

Памежныя службы Азэрбайджану дазволілі грамадзянцы Беларусі, актывістцы канфэдэрацыі моладзевых аб'яднаньняў Магілёва «Модэс» Тацяне Каралёвай уехаць на тэрыторыю гэтай краіны. Ёй аднак забаронена займацца назіраньнем за парлямэнцкімі выбарамі. У Азэрбайджане яна можа знаходзіцца толькі ў якасьці турысткі.

Прадстаўнік канфэдэрацыі Сяргей Лапуцін: «У яе ануляваная акрэдытацыя на выбары. Калі за ёй заўважаць спробу заняцца экзыт-поламі ці іншымі апытаньнямі каля ўчасткаў для галасаваньня, яе адразу ж дэпартуюць. Яна ня можа адтуль вылецець назад да аўторка, бо білеты ўжо набытыя».

Сяргей Лапуцін паведаміў, што ў паліцыі аэрапорту Баку рэчы Тацяны Каралёвай дэталёва агледзелі і нічога крамольнага не знайшлі.
XS
SM
MD
LG