Лінкі ўнівэрсальнага доступу

С.Багаўдзінава: Беларусь сапраўды палепшыла ўмовы для вядзеньня бізнэсу


Мы зьвярнуліся да адной з аўтараў справаздачы Сусьветнага банку, старшага спэцыяліста па разьвіцьці прыватнага бізнэсу Міжнароднай фінансавай карпарацыі (IFC) Сьвятланы Багаўдзінавай з просьбай пракамэнтаваць даволі высокі рэйтынг Беларусі ў справаздачы Сусьветнага банку.

Абламейка: Як бы вы пракамэнтавалі той факт, што Беларусь – краіна, якую доўгія гады крытыкуюць за адсутнасьць палітычных свабодаў і дэмакратыі, а таксама і за адсутнасьць эканамічных рэформаў – паводле справаздачы Сусьветнага банку ўвайшла ў дзясятку краінаў, якія найбольш палепшылі ўмовы для вядзеньня і рэгуляцыі бізнэсу?

Багаўдзінава: Давайце спынімся на тым, што наш праект вымярае, і чаго ён не вымярае. Мы глядзім на дастаткова вузкую сфэру дзелавога рэгуляваньня – гэта тое заканадаўства, якое адносіцца да дзейнасьці сярэдніх і дробных айчынных прадпрыемстваў у кожнай краіне. Тут мы не глядзім на цэлы шэраг іншых важных паказьнікаў, напрыклад, макраэканамічная стабільнасьць, наяўнасьць у краіне рэсурсаў, адукацыя насельніцтва і так далей. Гэта значыць – разрэз дастаткова вузкі.

Але што азначае пазыцыя Беларусі ў нашым рэйтынгу і асабліва ў новым паказьніку, які быў распрацаваны ў новым годзе: гэта тое, што вы абазначылі – Беларусь уваходзіць у тройку краінаў, якія дамагліся найбольшых вынікаў ў паляпшэньні дзелавога асяродзьдзя для мясцовых прадпрымальнікаў. Тут мы паглядзелі на тую дынаміку рэгуляцыйных зьменаў, якая мела месца ў кожнай краіне на працягу апошніх пяць гадоў. Пры гэтым мы глядзелі не на рэйтынг, а менавіта на індыкатары – гэта значыць, на той час і кошт працэдураў, якія мясцовыя прадпрымальнікі ў кожнай краіне павінны былі праходзіць для таго, каб завяршыць такія захады, як стварэньне прадпрыемства, перадача права ўласнасьці, атрыманьне будаўнічых дазволаў і так далей. Гэта значыць, што тут мы ў кожнай краіне паглядзелі дынаміку разьвіцьця заканадаўства адносна таго, які стан быў пяць гадоў назад, і сёньня. І тут у Беларусі дынаміка навідавоку. За апошнія пяць гадоў заканадаўства істотна зьмянілася у лепшы бок. Гэта значыць, што для мясцовых прадпрымальнікаў бізнэс-асяродзьдзе было дастаткова сур'ёзна і істотна палепшанае.
  • 16x9 Image

    Сяргей Абламейка

    Сяргей Абламейка нарадзіўся ў Менску. Скончыў гістарычны факультэт БДУ. Працаваў сьлесарам на МАЗе, выкладаў гісторыю ў школе, быў навуковым супрацоўнікам Музэю народнай архітэктуры і побыту, пасьля Скарынаўскага цэнтру. На «Свабодзе» – зь верасьня 1990 году, з траўня 1995 году – у Празе. Пісьменьнік, гісторык, журналіст.

XS
SM
MD
LG