Як і штогод гэтай парой, актывісты прыбралі тэрыторыю самаробнага мэмарыялу каля вёскі Паляі Віцебскага раёну, дзе ў 1930-50-я гады адбываліся масавыя расстрэлы мірных грамадзян.
Месца пахаваньня ахвяраў сталінскіх рэпрэсій каля вёскі Паляі адзначана мэмарыяльнымі крыжамі, усталяванымі ў розныя гады. Віцебскія апазыцыянэры пачалі ўсталёўваць крыжы ў гэтых мясьцінаў яшчэ 20 год таму. Але мэмарыяльныя сымбалі час ад часу зьнішчалі невядомыя вандалы. Цяпер тут стаіць высокі жалезны крыж з надпісам «Ахвярам таталітарнага рэжыму» і некалькі меншых, драўляных крыжоў.
Пра трагічныя падзеі пад Паляямі ведаюць і тамтэйшыя старажылы, і гісторыкі ды краязнаўцы. Прадстаўнікі віцебскіх дэмакратычных структур таксама не абыходзяць увагай гэтыя мясьціны. Тут пэрыядычна праводзяцца добраўпарадкаваньні, а зусім нядаўна на месцы масавых растрэлаў пабывалі прадстаўнікі пратэстнага руху супраць сьмяротнага пакараньня, пра што сьведчаць улёткі, прымацаваныя да дрэваў.
Улёткі «Не — сьмяротнаму пакараньню»
Старшыня віцебскай абласной суполкі партыі БНФ Кастусь Смолікаў распавёў, што ёсьць пляны усталяваць яшчэ некалькі крыжоў — пашырыць тэрыторыю самаробнага мэмарыялу. Аднак існуе пагроза, што ён можа быць увогуле зьнішчаны мясцовымі ўладамі.
Напрыканцы верасьня Кастусь Смолікаў атрымаў ліст з Варонаўскага сельсавету, дзе яму, як асобе, якую суд летась прызнаў вінаватым у самаўпраўстве, загадана самастойна зьнесьці ўсталяваныя пад Паляямі крыжы. У іншым выпадку, напісана ў афіцыйнай паперы, мясцовыя ўлады пакідаюць за сабой права зрабіць гэта самастойна.
Кастусь Смолікаў прыбірае тэрыторыю мэмарыялу.
«Вядома, нішчыць крыжы, якія тут усталяваныя ў памяць пра бязьвінна занінулых людзей, я ня стану, — кажа спадар Смолікаў. — І пакуль іх ніхто не чапае. Калі на загад сельсавету іх зьнясуць — гэта будзе ганьба для ўладаў».
Крыжы на ўзьлеску каля вёскі Паляі добра відаць з шашы Віцебск—Лёзна. Віцебскія актывісты спадзяюцца, што некалі тут будзе зроблены сапраўдны мэмарыял, але пакуль на гэткія прапановы мясцовыя ўлады рэагуюць адмоўна.
Кветкі і сьвечкі ля падножжа мэмарыяльнага крыжа.
Месца пахаваньня ахвяраў сталінскіх рэпрэсій каля вёскі Паляі адзначана мэмарыяльнымі крыжамі, усталяванымі ў розныя гады. Віцебскія апазыцыянэры пачалі ўсталёўваць крыжы ў гэтых мясьцінаў яшчэ 20 год таму. Але мэмарыяльныя сымбалі час ад часу зьнішчалі невядомыя вандалы. Цяпер тут стаіць высокі жалезны крыж з надпісам «Ахвярам таталітарнага рэжыму» і некалькі меншых, драўляных крыжоў.
Пра трагічныя падзеі пад Паляямі ведаюць і тамтэйшыя старажылы, і гісторыкі ды краязнаўцы. Прадстаўнікі віцебскіх дэмакратычных структур таксама не абыходзяць увагай гэтыя мясьціны. Тут пэрыядычна праводзяцца добраўпарадкаваньні, а зусім нядаўна на месцы масавых растрэлаў пабывалі прадстаўнікі пратэстнага руху супраць сьмяротнага пакараньня, пра што сьведчаць улёткі, прымацаваныя да дрэваў.
Старшыня віцебскай абласной суполкі партыі БНФ Кастусь Смолікаў распавёў, што ёсьць пляны усталяваць яшчэ некалькі крыжоў — пашырыць тэрыторыю самаробнага мэмарыялу. Аднак існуе пагроза, што ён можа быць увогуле зьнішчаны мясцовымі ўладамі.
Напрыканцы верасьня Кастусь Смолікаў атрымаў ліст з Варонаўскага сельсавету, дзе яму, як асобе, якую суд летась прызнаў вінаватым у самаўпраўстве, загадана самастойна зьнесьці ўсталяваныя пад Паляямі крыжы. У іншым выпадку, напісана ў афіцыйнай паперы, мясцовыя ўлады пакідаюць за сабой права зрабіць гэта самастойна.
«Вядома, нішчыць крыжы, якія тут усталяваныя ў памяць пра бязьвінна занінулых людзей, я ня стану, — кажа спадар Смолікаў. — І пакуль іх ніхто не чапае. Калі на загад сельсавету іх зьнясуць — гэта будзе ганьба для ўладаў».
Крыжы на ўзьлеску каля вёскі Паляі добра відаць з шашы Віцебск—Лёзна. Віцебскія актывісты спадзяюцца, што некалі тут будзе зроблены сапраўдны мэмарыял, але пакуль на гэткія прапановы мясцовыя ўлады рэагуюць адмоўна.
