Лінкі ўнівэрсальнага доступу

logo-print

Усясьветныя лідэры дасылаюць спачуваньні прэзыдэнту Аргентыны


Усясьветныя лідэры накіравалі спачуваньні прэзыдэнту Аргентыны Крыстыне Фернандэс дэ Кіршнэр у зьвязку з сьмерцю мужа, былога прэзыдэнта краіны Нестара Кіршнэра. Ён памёр у сераду раніцай ад інфаркту ў сваім доме ў горадзе Калафаце на поўдні Аргентыны.

Чакаецца, што на пахаваньне Кіршнэра прыедзе бальшыня лідэраў краінаў Лацінскай Амэрыкі і высокапастаўленыя прадстаўнікі ЗША і Эўразьвязу.

Нестар Кіршнэр быў прэзыдэнтам Аргентыны з 2003 да 2007 году. Ягонай галоўнай заслугай лічыцца стабілізацыя эканомікі краіны пасьля жорсткага крызысу на пачатку гэтага дзесяцігодзьдзя. Жонка Кіршнэра была абраная прэзыдэнтам пры ягонай актыўнай падтрымцы.
XS
SM
MD
LG