Лінкі ўнівэрсальнага доступу

Урад Беларусі прапаноўвае Лукашэнку амніставаць "ценевы" капітал


Урад Беларусі ў праекце дырэктывы пра лібэралізацыю эканомікі прапаноўвае прэзыдэнту правесьці падатковую амністыю "ценевага" бізнэсу, які гатовы легалізаваць свае прыбыткі.

Ураду "да 1 ліпеня 2011 году ўнесьці на разгляд кіраўніка дзяржавы праект нарматыўнага прававога акту аб падатковай амністыі ў дачыненьні да асобаў, якія гатовыя сябе рэабілітаваць шляхам легалізацыі сваіх даходаў", — сказана ў праекце дырэктывы, тэкст якога цытуе Інтэрфакс.

У сувязі з гэтым плянуецца перагледзець заканадаўства пра адказнасьць прадпрымальнікаў за правапарушэньні.

У праекце сказана, што "праверкі не павінны парушаць вытворча-гаспадарчую дзейнасьць гаспадарчых суб'ектаў, якія правяраюцца".

Урад таксама прапануе праводзіць праверкі добрасумленных прадпрымальнікаў не часьцей як 1 раз на 5 гадоў.

Прадугледжваецца таксама забараніць утрыманьне пад вартай да суду асобаў, якія зьдзейсьнілі эканамічныя злачынствы, але не ўяўляюць грамадзкай небясьпекі.

Паказаць камэнтары

XS
SM
MD
LG