Лінкі ўнівэрсальнага доступу

logo-print

ЗША заклапочаны іранскім уплывам ў Афганістане


Амэрыканскія ўлады выказалі заклапочанасьць іранскім уплывам у Афганістане. Адпаведная рэакцыя Вашынгтону зьявілася пасьля прызнаньня афганскага прэзыдэнта Хаміда Карзая ў тым, што супрацоўнікі яго апарату атрымлівалі мяшкі з наяўнымі грашыма зь Ірану.

Прадстаўнік дзярждэпартамэнту ЗША Філіп Кроўлі заявіў, што ў Вашынгтоне скэптычна глядзяць на магчымыя матывы, якімі кіраваўся Іран, перадаючы грошы адміністрацыі афганскага прэзыдэнта Хаміда Карзая, улічваючы тую ролю ў дэстабілізацыі, якую адыгрываў Тэгеран у мінулым у дачыненьні да сваіх суседзяў".

Кроўлі таксама сказаў, што ЗША чакаюць ад Кабулу тлумачэньняў наконт паведамленьняў аб перадачы супрацоўнікам адміністрацыі прэзыдэнта Афганістану Хаміда Карзая наяўных грошай зь Ірану.
XS
SM
MD
LG