Сёньня кіраўнікі яшчэ трох ініцыятыўных груп патэнцыйных кандыдатаў у прэзыдэнты Беларусі заявілі, што пераадолелі бар’ер у 100 тысяч подпісаў. Да «пяцёркі» тых, хто раней абвесьціў пра гэта, дадаліся Алесь Міхалевіч, Мікола Статкевіч і Рыгор Кастусёў. Такім чынам, вызначыліся ўжо 8 прэтэндэнтаў на вышэйшую дзяржаўную пасаду.
Паводле Алеся Міхалевіча, хоць яго група пераадолела неабходны для рэгістрацыі статысячны рубеж, прымаць віншаваньні пакуль рана. Ён нагадвае, што яшчэ трэба здаць лісты ў камісіі, дачакацца вынікаў праверак і рэгістрацыі Цэнтравыбаркамам у якасьці афіцыйнага кандыдата ў прэзыдэнты:
«Гэта мне нагадвае кампутарныя гульні з выхадам на наступны ўзровень. Калі на гэтым цябе не забілі, то могуць забіць на наступным. Калі не забілі на наступным, то могуць забіць праз адзін. І гарантавана, што на нейкім узроўні дакладна заб’юць».
Разам з тым спадар Міхалевіч прызнаецца, што адчуваньне задаволенасьці ў яго сёньня ёсьць:
«Таму што шмат хто ня верыў. Было мноства размоваў, што я гэткую колькасьць подпісаў не зьбяру. Каманда, канечне, верыла. Інакш бы мы 100 тысяч не сабралі. І тое, што мы здолелі выйсьці на 100 тысяч, гэта насамрэч дасягненьне».
Мікола Статкевіч таксама заяўляе пра тое, што 100 тысяч подпісаў ягоная група ўжо мае. Але на гэтым ня спыніцца:
«У нас плян — пад 120 тысяч. Мы закладаем страты. Бо камісіі будуць „красьці“. Будуць спэцслужбы ўключаныя, каб не данесьлі да камісій усе подпісы. І хаця мы меры перасьцярогі прымаем, але ўсё можа быць. І таму будзем працягваць збор подпісаў да апошняга дня. Мы „б’ем“ на 120 тысяч, каб у нас засталося 110–115 тысяч».
Сёньня, у другой палове дня, стала вядома — пра тое, што сабарана неабходная колькасьць подпісаў, заявіў і Рыгор Кастусёў. Кіраўнік ягонай ініцыятыўнай групы Аляксей Янукевіч кажа, што працэс будзе працягвацца — трэба мець пэўны запас:
«Таму будзем зьбіраць да самага апошняга дня — да вечара 29-га. З заўтрашняга дня пачнём ужо здаваць подпісы ў раённыя камісіі. І на гэта накіруем частку сілаў. У нас вельмі вялікая геаграфія, і таму арганізаваць своечасовую і належную здачу ў раённыя камісіі — гэта таксама кавалак працы».
Зь іншых прэтэндэнтаў да неабходнага рубяжу найбліжэй падышоў Віталь Рымашэўскі. Кіраўнік ягонай ініцыятыўнай групы Павал Севярынец адзначае:
«Паводле стану на ўчорашні вечар, у нас было 89 300 подпісаў. Мы напружылі ўсе нашы структуры. Нам патрэбны рывок. І таму ля цэркваў у нядзелю стаялі зь пікетамі. У адным Менску было толькі 20 пікетаў. Разам з Рымашэўскім мы абзвоньвалі ня толькі брыгадзіраў, але і звычайных зборшчыкаў. Таму што разумеем — трэба мець больш за 100 тысяч, бо будуць праверкі, прыдзіркі...»
Раней паведамлялася, што больш за 100 тысяч подпісаў было сабрана таксама за Аляксандра Лукашэнку, Уладзімера Някляева, Яраслава Раманчука, Андрэя Саньнікава і Віктара Цярэшчанку.
Збор подпісаў пачаўся 30 верасьня і будзе доўжыцца да 29 кастрычніка ўключна. Ініцыятыўным групам для рэгістрацыі свайго кандыдата ў прэзыдэнты неабходна сабраць ня менш як 100 тысяч подпісаў.
Паводле Алеся Міхалевіча, хоць яго група пераадолела неабходны для рэгістрацыі статысячны рубеж, прымаць віншаваньні пакуль рана. Ён нагадвае, што яшчэ трэба здаць лісты ў камісіі, дачакацца вынікаў праверак і рэгістрацыі Цэнтравыбаркамам у якасьці афіцыйнага кандыдата ў прэзыдэнты:
«Гэта мне нагадвае кампутарныя гульні з выхадам на наступны ўзровень. Калі на гэтым цябе не забілі, то могуць забіць на наступным. Калі не забілі на наступным, то могуць забіць праз адзін. І гарантавана, што на нейкім узроўні дакладна заб’юць».
Гэта мне нагадвае кампутарныя гульні з выхадам на наступны ўзровень.
«Таму што шмат хто ня верыў. Было мноства размоваў, што я гэткую колькасьць подпісаў не зьбяру. Каманда, канечне, верыла. Інакш бы мы 100 тысяч не сабралі. І тое, што мы здолелі выйсьці на 100 тысяч, гэта насамрэч дасягненьне».
Мікола Статкевіч таксама заяўляе пра тое, што 100 тысяч подпісаў ягоная група ўжо мае. Але на гэтым ня спыніцца:
«У нас плян — пад 120 тысяч. Мы закладаем страты. Бо камісіі будуць „красьці“. Будуць спэцслужбы ўключаныя, каб не данесьлі да камісій усе подпісы. І хаця мы меры перасьцярогі прымаем, але ўсё можа быць. І таму будзем працягваць збор подпісаў да апошняга дня. Мы „б’ем“ на 120 тысяч, каб у нас засталося 110–115 тысяч».
Сёньня, у другой палове дня, стала вядома — пра тое, што сабарана неабходная колькасьць подпісаў, заявіў і Рыгор Кастусёў. Кіраўнік ягонай ініцыятыўнай групы Аляксей Янукевіч кажа, што працэс будзе працягвацца — трэба мець пэўны запас:
«Таму будзем зьбіраць да самага апошняга дня — да вечара 29-га. З заўтрашняга дня пачнём ужо здаваць подпісы ў раённыя камісіі. І на гэта накіруем частку сілаў. У нас вельмі вялікая геаграфія, і таму арганізаваць своечасовую і належную здачу ў раённыя камісіі — гэта таксама кавалак працы».
Зь іншых прэтэндэнтаў да неабходнага рубяжу найбліжэй падышоў Віталь Рымашэўскі. Кіраўнік ягонай ініцыятыўнай групы Павал Севярынец адзначае:
«Паводле стану на ўчорашні вечар, у нас было 89 300 подпісаў. Мы напружылі ўсе нашы структуры. Нам патрэбны рывок. І таму ля цэркваў у нядзелю стаялі зь пікетамі. У адным Менску было толькі 20 пікетаў. Разам з Рымашэўскім мы абзвоньвалі ня толькі брыгадзіраў, але і звычайных зборшчыкаў. Таму што разумеем — трэба мець больш за 100 тысяч, бо будуць праверкі, прыдзіркі...»
Раней паведамлялася, што больш за 100 тысяч подпісаў было сабрана таксама за Аляксандра Лукашэнку, Уладзімера Някляева, Яраслава Раманчука, Андрэя Саньнікава і Віктара Цярэшчанку.
Збор подпісаў пачаўся 30 верасьня і будзе доўжыцца да 29 кастрычніка ўключна. Ініцыятыўным групам для рэгістрацыі свайго кандыдата ў прэзыдэнты неабходна сабраць ня менш як 100 тысяч подпісаў.
