Лінкі ўнівэрсальнага доступу

25 квадратных мэтраў — для музэю Васіля Быкава


Камяніца на Савецкай, 31, у Горадні, дзе месьціцца грамадзкі музэй Васіля Быкава
Камяніца на Савецкай, 31, у Горадні, дзе месьціцца грамадзкі музэй Васіля Быкава
Сёньня ў Гарадзенскім гарвыканкаме выдадзены ордэр на памяшканьне для грамадзкага музэю Васіля Быкава. Музэй створаны мясцовай вэтэранскай арганізацыяй, бухгальтарка якой Яўгенія Багданава атрымала ордэр разам з захавальнікам музэйнага фонду Аляксеем Дземідовічам.

Паводле спадара Дземідовіча, пакой мае плошчу 25 квадратных мэтраў і знаходзіцца на адным калідоры з пакоем (13 квадратных мэтраў) вэтэранскай арганізацыі, дзе цяпер месьціцца музэйны збор. Зараз трэба вырашыць пытаньне з арэнднай платай за новую плошчу — каб яна не была завысокая і вэтэраны маглі б яе плаціць, кажа ён.

Грамадзкі музэй Васіля Быкава знаходзіцца ў камяніцы пачатку ХХ стагодзьдзя на пешаходнай вуліцы Савецкай, 31. Пісьменьнік пражыў у Горадні чвэрць стагодзьдзя, пасьля чаго пераехаў у сталіцу. У горадзе над Нёманам ён напісаў "Жураўліны крык", "Трэцюю ракету", "Альпійскую баляду", "Мёртвым не баліць" ды іншыя свае вядомыя творы. Музэй быў створаны пасьля сьмерці Васіля Быкава ўлетку 2003 году.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG