Лінкі ўнівэрсальнага доступу

Маскоўская гарадзкая дума на пазачарговым пасяджэньні 21 кастрычніка зацьвердзіла кандыдатуру 52-гадовага Сяргея Сабяніна, унесеную прэзыдэнтам Расеі Дзьмітрыем Мядзьведзевым на пасаду мэра Масквы. Бальшыню ў Думе складаюць дэпутаты ад кіроўчай партыі “Адзіная Расея”.

Супраць праграласавада фракцыя камуністаў, каб выказаць нязгоду з сыстэмай прызначэньня мясцовых кіраўнікоў у Расеі. Іншыя партыі ў Маскоўскай гарадзкой думе не прадстаўленыя.

Сабянін, выступаючы перад дэпутатамі, паабяцаў, у прыватнасьці, захаваць сацыяльныя льготы для масквічоў і забясьпечыць кантроль над дзейнасьцю маскоўскіх чыноўнікаў. Для вырашэньня транспартных праблем, паводле Сабяніна, неабходна стварыць у будучым годзе гарадзкі дарожны фонд.

Сабянін замяніў на пасадзе мэра Масквы Юрыя Лужкова, звольненага ў мінулым месяцы прэзыдэнтам Мядзьведзевым. Лужкоў кіраваў Масквой 18 гадоў.

Больш падрабязнасьцяў пра новага кіраўніка Масквы -- ТУТ

Ваша меркаваньне

Паказаць камэнтары

XS
SM
MD
LG