Лінкі ўнівэрсальнага доступу

Расея будзе дапамагаць Беларусі вырашаць праблему правоў чалавека


Адносна сумеснай беларуска-расейскай камісіі па правах чалавека, якая працавала пры Савеце, спадар Фядотаў сказаў карэспандэнту "Свабоды":

"Я нічога ня ведаю аб працы гэтай сумеснай камісіі. Але, калі яна існавала, то я ня бачу ніякіх прычынаў, каб яна не працягвала працу. Бо ў нас праблемы агульныя. У нас саюзная дзяржава зь Беларусьсю. І я лічу правільным, каб гэта камісія працягвала працу".

Міхаіл Фядотаў ня стаў даваць ацэнкі сытуацыі з правамі чалавека ў Беларусі.

"Калі я быў сакратаром саюзу журналістаў Расеі, я мог выказваць сваю думку больш свабодна. Цяпер я не магу выказвацца па гэтым пытаньні, бо гэта можа быць успрынята, як умяшаньне ва ўнутраныя справы Беларусі. Я гэтага не хацеў бы. Сытуацыя з правамі чалавека ў Беларусі застанецца ў полі нашай увагі, але ня ў полі ўмяшаньня ва ўнутраныя справы. Можаце не сумнявацца, мы будзем дапамагаць Беларусі вырашаць праблему правоў чалавека. Абавязкова будзем дапамагаць. Але не праз умяшаньне ва ўнутраныя справы ".

Паказаць камэнтары

XS
SM
MD
LG