Бялград: пратэсты супраць гей-параду

У Бялградзе тысячы людзей узялі ўдзел у маршы пратэсту супраць заплянаванага на нядзелю гей-параду ў сэрбскай сталіцы.

Паводле ацэнак паліцыі, сёньня на вуліцы выйшлі каля дзесяці тысяч чалавек. Раней Сэрбская праваслаўная царква заклікала ўстрымацца ад гвалту ў дзень правядзеньня акцыі сэксуальных меншасьцяў, хоць сама царква і выступае супраць падобных мерапрыемстваў.

Летась плянаваны гей-парад адмянілі з-за пагрозаў на адрас яго ўдзельнікаў.