Лёзьненская міліцыя вызваліла дырэктара незалежнай газэты «Віцебскі кур’ер» Віктара Рамнёва. Ён быў затрыманы без тлумачэньня прычын па дарозе са Смаленску, калі вёз з друкарні сьвежы нумар газэты.
Віктара Рамнёва будуць судзіць 12 кастрычніка паводле артыкула Адміністрацыйнага кодэксу аб незаконным перавозе і незаконным распаўсюдзе газэты. 11-тысячны наклад выданьня канфіскаваны.
Адна з заснавальніц «Віцебскага кур’еру» Вольга Карач мяркуе, што затрыманьне зьвязана з прэзыдэнцкімі выбарамі, бо газэта праводзіць адмысловую акцыю для кандыдатаў у прэзыдэнты: адна паласа кожнага нумару прапанавана для выступу кожнага з прэтэндэнтаў. Ужо было надрукавана сем інтэрвію. У затрыманым нумары было два такія выступы: Юрыя Глушакова і Сяргея Рыжова.
Вольга Карач таксама паведаміла, што днямі да яе сваякоў наведаліся супрацоўнікі міліцыі. Іх цікавіла, дзе яна.
Віктара Рамнёва будуць судзіць 12 кастрычніка паводле артыкула Адміністрацыйнага кодэксу аб незаконным перавозе і незаконным распаўсюдзе газэты. 11-тысячны наклад выданьня канфіскаваны.
Адна з заснавальніц «Віцебскага кур’еру» Вольга Карач мяркуе, што затрыманьне зьвязана з прэзыдэнцкімі выбарамі, бо газэта праводзіць адмысловую акцыю для кандыдатаў у прэзыдэнты: адна паласа кожнага нумару прапанавана для выступу кожнага з прэтэндэнтаў. Ужо было надрукавана сем інтэрвію. У затрыманым нумары было два такія выступы: Юрыя Глушакова і Сяргея Рыжова.
Вольга Карач таксама паведаміла, што днямі да яе сваякоў наведаліся супрацоўнікі міліцыі. Іх цікавіла, дзе яна.
