Лінкі ўнівэрсальнага доступу

logo-print

Яраслаў Качынскі абвінаваціў Расею ў імпэрскасьці


Брат загінулага ў авіякатастрофе прэзыдэнта Польшчы Леха Качынскага, лідэр апазыцыйнай партыі "Права і справядлівасьць" Яраслаў Качынскі выступіў ў прэсе з публікацыяй, у якой называе цяперашнюю палітыку Расеі «нэаімпэрскай».

У артыкуле Яраслаў Качынскі піша, што Расея імкнецца аднавіць свой былы ўплыў у краінах былога ўсходняга блёку, у той час як ЗША «з Эўропы сыходзяць». Пра гэта, на думку Качынскага, сьведчыць адмова Вашынгтону ад пляну будаўніцтва на тэрыторыі Польшчы і Чэхіі элемэнтаў сваёй сыстэмы проціракетнай абароны.

Яраслаў Качынскі адзначыў, што «нэаімпэрская замежная палітыка Масквы не выклікае рэакцыі ў адказ з боку асноўных палітычных гульцоў у Эўропе ды ЗША», і прывёў у прыклад Грузію.

«Трэба паважаць інтарэсы ня толькі самых вялікіх дзяржаў, але і сярэдніх і малых краінаў», – піша Яраслаў Качынскі.
XS
SM
MD
LG