Завяршыла візыт у Менск тэхнічная місія Бюро дэмакратычных інстытутаў і правоў чалавека АБСЭ. Яе удзельнікі правялі сустрэчы з прадстаўнікамі афіцыйных уладаў і апазыцыі. Па выніках працы місіі будзе прынятае рашэньне пра накіраваньне міжнародных назіральнікаў за прэзыдэнцкімі выбарамі ў Беларусі.
Дэлегацыя на чале з намесьнікам кіраўніка дэпартамэнту па назіраньні за выбарамі Бюро дэмакратычных інстытутаў і правоў чалавека АБСЭ доктарам Бэатай Марцін-Разумілавіч азнаёмілася зь перадвыбарнай сытуацыяй у Беларусі і падрыхтоўкай да выбараў. Сярод тых, з кім сустракалася місія — патэнцыйныя кандыдаты на прэзыдэнта Ўладзімер Някляеў і Андрэй Саньнікаў, намесьнік кіраўніка адміністрацыі прэзыдэнта Валеры Міцкевіч, рэдактар «Советской Белорусии» Павел Якубовіч. Таксама сустрэчы прайшлі ў Міністэрстве замежных спраў, Цэнтравыбаркаме і шэрагу амбасадаў.
Сакратар ЦВК Мікалай Лазавік: «Спадарыня Марцін-Разумілавіч падзякавала за раньняе, як яна сказала, запрашэньне місіі Бюро АБСЭ. Яна сказала, што гэта дазволіць у спакойнай абстаноўцы, не сьпяшаючыся, якасна сфармаваць місію і правесьці назіраньне за ўсімі этапамі выбарчай кампаніі, якія іх цікавяць. А далей у асноўным размова ішла пра тыя навацыі, якія будуць прыменены на аснове зьменаў у выбарчым заканадаўстве падчас гэтых выбараў».
Андрэй Саньнікаў адзначыў, што чакае поўнамаштабнага назіраньня за выбарамі з боку Бюро АБСЭ.
«Я казаў пра тое, што ўжо парушаюцца законы, што ўжо старшыня ЦВК кажа, што яна сябра каманды Лукашэнкі, і гэта выключае, што яна займае пасаду старшыні ЦВК. Таксама адносна рэфэрэндуму 2004 году. Але ж іх гэта менш цікавіла. Іх цікавіла, як гэта адбываецца, і што я раблю і буду рабіць для ўдзелу ў выбарах».
Пакуль што ад ацэнак сытуацыі сябры дэлегацыі ўстрымаліся. Паводле прадстаўніка Бюро Йенса-Хагена Эшэнбэхера, пасьля візыту місія цягам аднаго-двух тыдняў падрыхтуе справаздачу. У ёй будзе вызначана, у якой форме Бюро АБСЭ будзе весьці назіраньне за выбарамі, калі і колькі назіральнікаў прыедзе ў Беларусь.
«У нас пазытыўнае ўражаньне ад таго, што мы атрымалі раньняе запрашэньне ад беларускіх уладаў. Гэта добра і дае нам дастаткова часу падрыхтаваць місію».
Сябра праваабарончага цэнтру «Вясна» Валянцін Стэфановіч падчас сустрэчы з ацэначнай місіяй АБСЭ адзначыў, што грамадзка-палітычная сытуацыя ў Беларусі застаецца неспрыяльнай для правядзеньня свабодных і дэмакратычных выбараў.
«Ніякіх сыстэмных зьменаў не было, шмат у якіх сфэрах не мянялася заканадаўства. Я маю на ўвазе закон аб масавых мерапрыемствах, свабодзе асацыяцый, што не рэгістраваліся новыя палітычныя партыі, не адмянілі артыкул 193-1. Неспрыяльная сытуацыя са свабодай СМІ. Падчас мясцовых выбараў мы не пабачылі вельмі моцных зьменаў у лепшы бок. Калі гаварыць пра асноўныя аспэкты кампаніі, як падлік галасоў, правы назіральніка, практыка фармаваньня камісій, то наўрад ці мы нешта новае ўбачым на гэтых выбарах».
Дэлегацыя на чале з намесьнікам кіраўніка дэпартамэнту па назіраньні за выбарамі Бюро дэмакратычных інстытутаў і правоў чалавека АБСЭ доктарам Бэатай Марцін-Разумілавіч азнаёмілася зь перадвыбарнай сытуацыяй у Беларусі і падрыхтоўкай да выбараў. Сярод тых, з кім сустракалася місія — патэнцыйныя кандыдаты на прэзыдэнта Ўладзімер Някляеў і Андрэй Саньнікаў, намесьнік кіраўніка адміністрацыі прэзыдэнта Валеры Міцкевіч, рэдактар «Советской Белорусии» Павел Якубовіч. Таксама сустрэчы прайшлі ў Міністэрстве замежных спраў, Цэнтравыбаркаме і шэрагу амбасадаў.
Сакратар ЦВК Мікалай Лазавік: «Спадарыня Марцін-Разумілавіч падзякавала за раньняе, як яна сказала, запрашэньне місіі Бюро АБСЭ. Яна сказала, што гэта дазволіць у спакойнай абстаноўцы, не сьпяшаючыся, якасна сфармаваць місію і правесьці назіраньне за ўсімі этапамі выбарчай кампаніі, якія іх цікавяць. А далей у асноўным размова ішла пра тыя навацыі, якія будуць прыменены на аснове зьменаў у выбарчым заканадаўстве падчас гэтых выбараў».
Андрэй Саньнікаў адзначыў, што чакае поўнамаштабнага назіраньня за выбарамі з боку Бюро АБСЭ.
«Я казаў пра тое, што ўжо парушаюцца законы, што ўжо старшыня ЦВК кажа, што яна сябра каманды Лукашэнкі, і гэта выключае, што яна займае пасаду старшыні ЦВК. Таксама адносна рэфэрэндуму 2004 году. Але ж іх гэта менш цікавіла. Іх цікавіла, як гэта адбываецца, і што я раблю і буду рабіць для ўдзелу ў выбарах».
Пакуль што ад ацэнак сытуацыі сябры дэлегацыі ўстрымаліся. Паводле прадстаўніка Бюро Йенса-Хагена Эшэнбэхера, пасьля візыту місія цягам аднаго-двух тыдняў падрыхтуе справаздачу. У ёй будзе вызначана, у якой форме Бюро АБСЭ будзе весьці назіраньне за выбарамі, калі і колькі назіральнікаў прыедзе ў Беларусь.
У нас пазытыўнае ўражаньне ад таго, што мы атрымалі раньняе запрашэньне ад беларускіх уладаў.
Сябра праваабарончага цэнтру «Вясна» Валянцін Стэфановіч падчас сустрэчы з ацэначнай місіяй АБСЭ адзначыў, што грамадзка-палітычная сытуацыя ў Беларусі застаецца неспрыяльнай для правядзеньня свабодных і дэмакратычных выбараў.
«Ніякіх сыстэмных зьменаў не было, шмат у якіх сфэрах не мянялася заканадаўства. Я маю на ўвазе закон аб масавых мерапрыемствах, свабодзе асацыяцый, што не рэгістраваліся новыя палітычныя партыі, не адмянілі артыкул 193-1. Неспрыяльная сытуацыя са свабодай СМІ. Падчас мясцовых выбараў мы не пабачылі вельмі моцных зьменаў у лепшы бок. Калі гаварыць пра асноўныя аспэкты кампаніі, як падлік галасоў, правы назіральніка, практыка фармаваньня камісій, то наўрад ці мы нешта новае ўбачым на гэтых выбарах».
