Лінкі ўнівэрсальнага доступу

logo-print

Зымбабвэ: з набліжэньнем рэфэрэндуму расьце гвалт


У Зымбабвэ з набліжэньнем рэфэрэндуму аб новай канстытуцыі расьце ўзровень гвалту.

У прыватнасьці, праваабарончая арганізацыя Human Rights Watch паведамляе аб ціску на грамадзкасьць з боку кіроўнай партыі ЗАНУ-ПФ, чые прыхільнікі сабатуюць мясцовыя сходы для абмеркаваньня прапанаваных зьменаў і нападаюць на прадстаўнікоў канкурэнтнага Руху за дэмакратычныя перамены. На мінулым тыдні ў сталіцы Харарэ быў да сьмерці зьбіты мужчына, паведамляе арганізацыя.

Рух за дэмакратычныя перамены знаходзіўся раней у апазыцыі да ўраду, але два гады таму быў уведзены ва ўрад пасьля спрэчных вынікаў выбараў. Галасаваньне па канстытуцыйных зьменах, прызначанае на сярэдзіну наступнага году, мае на мэце выбарчую рэформу.
XS
SM
MD
LG