У Аўстрыі сёньня заканчваецца тэрмін, да якога тамтэйшыя жыхары і ўстановы могуць выказаць свае заўвагі да плянаў пашырэньня чэскай атамнай станцыі Тэмэлін. Да акцыі, якую праз інтэрнэт арганізавала фэдэральная зямля Верхняя Аўстрыя, што суседнічае з Чэхіяй, на працягу месяца далучылася каля 5 тысяч чалавек. Свае заўвагі маглі грамадзяне Аўстрыі падаваць ва ўсіх фэдэральных землях. Іх допісы будуць скарыстаныя для звароту ў Эўракамісію са скаргай на парушэньне эўрапейскага права ў працэсе ацэнкі ўплыву будаўніцтва на жыцьцёвае асяродзьдзе.
Чэхія абвясьціла міжнародны тэндар да будаўніцтва двух новых блёкаў сваёй атамнай станцыі. Сярод прэтэндэнтаў на гэты заказ – Расея, ЗША, Францыя. Экспэртная камісія, якая працавала на замову аўстрыйскага ўраду, зьвяртае ўвагу, што чэскі праект мае хібы што да гарантыяў бясьпекі.
Чэхія абвясьціла міжнародны тэндар да будаўніцтва двух новых блёкаў сваёй атамнай станцыі. Сярод прэтэндэнтаў на гэты заказ – Расея, ЗША, Францыя. Экспэртная камісія, якая працавала на замову аўстрыйскага ўраду, зьвяртае ўвагу, што чэскі праект мае хібы што да гарантыяў бясьпекі.