Лінкі ўнівэрсальнага доступу

logo-print
На другім этапе жаночага баскетбольнага чэмпіянату сьвету, што праходзіць у Чэскай Рэспубліцы, суперніцамі беларусак будуць зборныя Францыі, ЗША і Грэцыі.

У панядзелак а 19 гадзіне менскага часу беларускі згуляюць з францужанкамі, у аўторак (21.15) з амэрыканкамі і ў сераду (16.30) з грачанкамі. Усе матчы пройдуць у Астраве.

Перад другім этапам зборная Беларусі займае чацьвертае месца ў кваліфікацыйнай групе “E”: у амэрыканак і аўстраліек па чатыры ачкі, у францужанак і беларусак па тры, у канадак і грачанак па два. У чвэрцьфінал, матчы якога адбудуцца у пятніцу ў Карлавых Варах, выходзяць з групы чатыры каманды.

У суботу ў заключнай гульні першага этапу зборная Беларусі перамагла канадак 61:49 (31:22). Самай выніковай у беларусак, набраўшы 16 ачкоў, стала Тацяна Троіна.

Алена Леўчанка супраць Крысты Філіпз

На трыбунах у часе гульні луналі і нацыянальныя бел-чырвона-белыя сьцягі.

Здымак Паўла Котава

Здымак Паўла Котава

Беларуская баскетбольная каманда – першая, што выступае ў сукенках на чэмпіянаце сьвету. Сукенкі для баскетбалістак распрацавала да чэмпіянату сьвету літоўская кампанія “Tuta”. Незадоўга перад чэмпіянатам новым генэральным партнэрам беларускай каманды стаў найбуйнейшы беларускі вытворца ніжняй бялізны і самы дарагі брэнд Беларусі – СП ЗАТ “Мілавіца”.

Паказаць камэнтары

XS
SM
MD
LG