ААН адыгрывае важную ролю ў вырашэньні злабадзённых праблем плянэты і сьвет чакае ад гэтай арганізацыі маральнага і палітычнага лідарства. Пра гэта заявіў генэральны сакратар ААН Пан Кі Мун на адкрыцьці 65-й сэсіі Генэральнай асамблеі ААН ў Нью Ёрку. На ягоную думку, у 21-м стагодзьдзі ААН па-ранейшаму адыгрывае важную ролю ў сьвеце, нягледзячы на тое, што цяпер гэтая арганізацыя перажывае цяжкія часы -- з той прычыны, што растуць супярэчнасьці паміж нацыямі і ўнутры іх саміх.