Лінкі ўнівэрсальнага доступу

Горадня: суд над удзельнікамі пікету за беларускае навучаньне не адбыўся


Судзьдзя Ленінскага раённага суду Горадні Натальля Козел паведаміла прыйшоўшым сёньня на працэс Алесю і Аксане Астроўскім, а таксама Ўладзімеру Хільмановічу, што міліцыя запатрабавала вярнуць складзеныя на іх пратаколы. Прычыны судзьдзя не патлумачыла, а справу не разглядалі.

Нагадаю, што пікет адбыўся 2 верасьня пасьля таго, як адміністрацыя школы №32 не задаволіла канстытуцыйных правоў Астроўскіх, якія зьвярнуліся ў школу з просьбай забясьпечыць іх дачцэ Сьвятлане магчымасьць навучацца на беларускай мове.

Падчас пікету да сям’і Астроўскіх далучыўся журналіст Уладзімер Хільмановіч. Усіх удзельнікаў запрасілі ў гарвыканкам, дзе чыноўнікі паабяцалі, што выправяць сытуацыю. Праўда, потым пікетоўцаў забралі ў пастарунак, дзе склалі на іх пратаколы.

Сёньня ў Ленінскі раённы суд міліцыянты не прапусьцілі журналістаў. Адзін зь іх спаслаўся на вусны загад старшыні суду. На патрабаваньне журналістаў даць ім кнігу скаргаў міліцыянты адказалі адмовай.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG