Лінкі ўнівэрсальнага доступу

Шаша Масква-Менск – дарога сяброў Пуціна?


Прэм'ер-міністар Расеі Ўладзімер Пуцін

Прэм'ер-міністар Расеі Ўладзімер Пуцін

Празь некалькі гадоў у Расеі зьявяцца дзьве першыя платныя дарогі. Абедзьве ідуць з Масквы і будуюцца фактычна на дзяржаўныя грошы. За абедзьвюма стаяць пецярбурскія знаёмыя Ўладзімера Пуціна: Юры Кавальчук і Аркадзь Ротэнберг, піша газэта «Ведамасьці».

Як піша выданьне, кантроль над будаўніцтвам платнай дарогі Масква—Менск дастаўся банку «Расея», найбуйнейшым акцыянэрам якога зьяўляецца стары знаёмы Пуціна Юры Кавальчук. Канцэсію на будаўніцтва і эксплёатацыю выхаду на МКАД з фэдэральнай аўтамабільнай дарогі М1 «Беларусь» Масква—Менск атрымала кампанія «Галоўная дарога», 50,01% якой належыць падкантрольнай «Расеі» кампаніі «Лідэр»; гэтую інфармацыю пацьвердзіла прэс-служба «Галоўнай дарогі».

Кантроль над будаўніцтвам ўчастка дарогі Масква-Пецярбург дастаўся кампаніі «Н-транс», якая зьяўляецца саўладальнікам кансорцыюму «Паўночна-заходняя канцэсійная кампанія», што будзе асвойваць бюджэт і займацца будаўніцтвам. Паводле зьвестак выданьня, чалец рады дырэктараў «Н-транс» Георгі Карашкін прадстаўляе там інтарэсы таксама сябра Пуціна, бізнэсоўца Аркадзя Ратэнберга.
  • 16x9 Image

    Алена Радкевіч

    Журналістка. Працавала вядучай радыёстанцыі «Беларуская Маладзёжная», карэспандэнткай Бі-Бі-Сі, расейскай незалежнай прэсы, удзельнічала ў самвыдаце. З Радыё Свабода ад 1991.

XS
SM
MD
LG