Лінкі ўнівэрсальнага доступу

Глушакоў: 19 сьнежня — “гэта для ўладаў найбольш карысна”


Юры Глушакоў

Юры Глушакоў

Прэзыдэнцкія выбары прызначаныя на 19 сьнежня. Як да гэтага ставяцца ў апазыцыі? Ці чаканая гэтая дата і ці спрыяльная для правядзеньня выбарчай кампаніі?

Паводле патэнцыйнага кандыдата ў прэзыдэнты ад Беларускай партыі «Зялёныя» Юр’я Глушакова, улады прызначылі дату выбараў на 19 сьнежня, бо «гэта для іх найбольш карысна». Ён адзначыў, што і для яго самога гэтая дата спрыяльная. Спадар Глушакоў пацьвердзіў намер ствараць ініцыятыўную групу, каб зьбіраць подпісы за сваё вылучэньне.

Таксама Юры Глушакоў распавёў пра ўчорашнюю сустрэчу з Рыгорам Кастусёвым, Аляксандрам Мілінкевічам і Алесем Міхалевічам.

«Размова там ішла пра палітычную сытуацыю ў краіне. Мы вырашылі наладзіць крыху цясьнейшае супрацоўніцтва з нагоды гэтай кампаніі. Кожны кандыдат будзе працаваць асобна, але будзем трымацца пэўных кантактаў і ўзгадненьняў па асобных пытаньнях. І калі гэта будзе магчыма ў рамках нашага партыйнага мандату — а мы з розных палітычных партый, — магчыма, мы будзем прымаць нейкія агульныя рэзалюцыі».

Паводле спадара Глушакова, пакуль нельга казаць пра нейкі блёк.

«Гэта, хутчэй, каардынацыя ў рамках супольнага, але шырокага фармату, які пакуль на нас асабіста ніякіх абавязкаў не накладае. Але галоўная мэта — гэта каардынацыя намаганьняў, каб мы адзін аднаму не перашкаджалі, не вялі канфрантацыі па тых пытаньнях, дзе гэтага можна пазьбегнуць. Магчыма, далей мы наладзім больш шчыльнае супрацоўніцтва».

Паказаць камэнтары

XS
SM
MD
LG