Лінкі ўнівэрсальнага доступу

Зборная Беларусі выйграла ў каманды Францыі 1:0


Нацыянальная зборная Беларусі па футболе здабыла ў гасьцёх сэнсацыйную перамогу ў сваім першым матчы адборачнага турніру чэмпіянату Эўропы-2012 над зборнай Францыі — 1:0.

Адзіны гол у матчы пасьля перадачы Вячаслава Глеба на 86-й хвіліне забіў менскі дынамавец Сяргей Кісьляк, які выйшаў на замену.

Матч праходзіцў на стадыёне «Стад дэ Франс» у Парыжы.



У іншых матчах у адборачнай групе D, дзе гуляе зборная Беларусі, зафіксаваны наступныя вынікі:

Люксэмбург — Босьнія — 0:3,
Румынія — Альбанія — 1:1.

Пасьля першага гульнявога дня ў групе D наперадзе зборныя Беларуі й Босьніі, якія набралі па тры ачкі.

Наступны матч адборачнага цыклю зборная Беларусі правядзе супраць зборнай Румыніі 7 верасьня на стадыёне «Дынама» ў Менску, паведамляе «Інтэрфакс».

Паказаць камэнтары

XS
SM
MD
LG