ВОБЛАЧНА…
…але з праясьненьнямі. Тэмпэратура: 8-15 °С.
НЕ ПРАХОДЗЬЦЕ МІМА:
4 верасьня
У Музэі народнай архітэктуры і побыту фольк-фэст «Камяніца». Хэдлайнэрамі мерапрыемства будуць этна-трыё «Троіца» і гурт «Палац».
У Пастаўскім доме рамёстваў у 16.30 адбудзецца адкрыцьцё мастацкай выставы «Гульня фарбамі» Алеся Квяткоўскага.
5 верасьня
У клюбе «Лісіная нара» ў Менску вечарына брэтонскай традыцыйнай музыкі і танцаў.
ТАМ ДЗЕ НАС НЯМА:
4 верасьня
У Францыі пратэст супраць прапановаў прэзыдэнта Нікаля Сарказі прыняць больш жорсткія захады ў змаганьні са злачыннасьцю, уключаючы дэпартацыю асобаў ромскай нацыянальнасьці.
5 верасьня
У Малдове рэфэрэндум аб усенародным выбары кіраўніка дзяржавы.
4-5 верасьня
У штаце Нью-Джэрсі адбудзецца 29-я Сустрэча Беларусаў Паўночнай Амэрыкі. З прычыны канфлікту паміж арганізатарамі сустрэчы, мерапрыемства адбудзецца ў двух розных месцах: Беларуска-Амэрыканскім грамадзкім цэнтры ў Саўт-Рывэры ды ў гатэлі Хаят у горадзе Нью-Брансвік.
ТАКСАМА Ў ГЭТЫ ДЗЕНЬ:
4 верасьня
У 1936 ў Крынках на Беласточчыне нарадзіўся беларускі пісьменьнік Сакрат Яновіч.
У 1970 сацыяліст Сальвадор Альендэ быў абраны прэзыдэнтам Чылі.
У 1998 была заснаваная кампанія «Google».
5 верасьня
У 1919 загінуў культавы пэрсанаж савецкай ідэалёгіі і пралетарскага фальклёру Васіль Іванавіч Чапаеў. Чырвоны камандзір не даплыў да процілеглага берагу ракі Ўрал, бо дагнала яго варожая куля.
У 1946 нарадзіўся Фрэдзі Мэркюры, вакаліст і лідэр гурту «Queen» (пам. 1991).
ЁСЬЦЬ НАГОДА:
5 верасьня
Дзень нацыянальнага пісьменства і друку ў Беларусі.
МІНУС 365:
Год таму на сайце Свабоды: Аляксей Янукевіч — новы старшыня Партыі БНФ.
ЦЫТАТЫ НА ПАМЯЦЬ:
«Канцэрт — гэта не жывое выкананьне нашага албому. Гэта тэатральны спэктакль».
«Я ня буду рок-зоркай. Я буду легендай».
Фрэдзі Мэркюры
